حکومت کے موثر اورفوری اقدامات کے باعث گمشدہ بچوں کی گھروں میں واپسی یابازیابی ممکن ہوئی ہے،بچوں کیخلاف ہونیوالے جرائم کو ناقابل ضمانت جرم قرار دینے کیلئے قانون سازی کی جائے، گداگری بچوں کا مقدر نہیں،انہیں اچھا اورمفید شہری بنانا ہے،بچوں سے گداگری کے خاتمے کیلئے حکمت عملی مرتب کی جائے
وزیراعلیٰ پنجاب شہباز شریف کا لاپتہ بچوں کے حوالے سے قائم سٹیئرنگ کمیٹی کے اجلاس سے خطاب وزیراعلیٰ کا لاپتہ بچوں کی گھروں میں واپسی یا بازیابی کیلئے کیے جانے والی کاوشوں پر اطمینان کا اظہار
منگل 23 اگست 2016 21:24
لاہور(اُردو پوائنٹ اخبارتازہ ترین - این این آئی۔23 اگست ۔2016ء ) وزیراعلیٰ پنجاب محمد شہبازشریف کی زیر صدارت منگل کولاپتہ بچوں کے حوالے سے قائم سٹیئرنگ کمیٹی کااجلاس منعقد ہوا۔وزیراعلیٰ نے لاپتہ بچوں کی گھروں میں واپسی یا بازیابی کیلئے کیے جانے والی کاوشوں پر اطمینان کا اظہار کیا۔وزیراعلیٰ نے اجلاس سے خطاب کرتے ہوئے کہا کہ متعلقہ ادارے لاپتہ بچوں کی گھروں میں واپسی یا بازیابی کیلئے تسلسل کے ساتھ موثرکوششیں جاری رکھیں اور اس ضمن میں پیشہ وارانہ انداز میں کام کیا جائے ۔
انہوں نے کہا کہ گمشدہ بچوں کی گھروں میں واپسی یا بازیابی کیلئے کیے گئے اقدامات قابل تعریف ہیں اورپنجاب حکومت کے موثر اورفوری اقدامات کے باعث گمشدہ بچوں کی گھروں میں واپسی یابازیابی ممکن ہوئی ہے ۔(جاری ہے)
وزیراعلیٰ نے ہدایت کی کہ عدالتوں میں زیر سماعت کیسوں کو جلد نمٹانے کیلئے پراسیکیوشن محکمہ فعال اور متحرک انداز میں فرائض سرانجام دے اوربچوں کیخلاف ہونیوالے جرائم کو ناقابل ضمانت جرم قرار دینے کیلئے قانون سازی کی جائے۔
انہوں نے کہا کہ گد اگر بچوں کو سکولوں میں لانے کیلئے پلان مرتب کیا جائے اورایسے بچوں کی فلاح وبہبود اور بحالی کیلئے اقدامات کیے جائیں ۔انہوں نے کہا کہ گداگری بچوں کا مقدر نہیں،انہیں اچھا اورمفید شہری بنانا ہے۔اس لئے گداگری کے خاتمہ کیلئے تمام پہلوؤں کاجائزہ لے کر حکمت عملی مرتب کی جائے۔اجلاس کو بتایاگیا کہ گزشتہ 6روزمیں 18لاپتہ بچوں کی گھروں میں واپسی یا بازیابی ہوئی ہے ۔صوبائی وزیر رانا ثناء اﷲ ،معاون خصوصی رانا مقبول احمد،ایم پی اے جہانگیر خانزادہ،چیف سیکرٹری،ایڈووکیٹ جنرل پنجاب، چیئرپرسن چائلڈ پروٹیکشن اینڈ ویلفیئربیور،ایم پی اے صباء صادق،انسپکٹر جنرل پولیس ،سیکرٹری داخلہ اوراعلی پولیس حکام کے علاوہ متعلقہ افسروں نے اجلاس میں شرکت کی۔متعلقہ عنوان :
مزید اہم خبریں
-
سرپردوپٹہ پہنانے پر خاتون رپورٹر کی مرد کو جھاڑ پلانے کی ویڈیو وائرل
-
گھریلو ملازمہ تشدد کیس،مرکزی ملزمہ سومیا عاصم کی حاضری استثنیٰ کی درخواست منظور
-
معاشی طور پر تباہ حال اٹالین حکومت کامعاشی فوائدکے لیے ”اسلام دشمنی “میں یورپ کا ہراول دستہ بننے کی کوشش
-
جج کے دفتر سے فون کرکے آئی جی پنجاب کوملازمین کی ترقی کاحکم دینے والے 2کانسٹیبل گرفتار
-
حکومت نے بینکوں سے ریکارڈ 55 کھرب روپے قرض لے لیا
-
صدرآصف علی زرداری کی ڈیرہ اسماعیل خان میں کسٹمز حکام پر دہشت گرد حملے کی مذمت
-
وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات،آئی ایف سی کی سرگرمیوں میں تیزی پر اطمینان کا اظہار
-
وزیرِاعظم کی ڈیرہ اسماعیل خان کے علاقے درابن میں کسٹمز حکام کی گاڑی پر حملے کی مذمت
-
وفاقی وزیرداخلہ محسن نقوی سے ایرانی سفیر ڈاکٹررضا امیری مقدم کی ملاقات، ایرانی صدر کے دورہ پاکستان کے حوالے سے گفتگو
-
ہیٹی: حکومتی رٹ ختم، مسلح گروہوں کے تشدد میں ہوشربا اضافہ
-
ایلون مسک کا ’ٹیسلا کی بھاری ذمہ داریوں‘ کی وجہ سے بھارت کا دورہ ملتوی کرنے کا اعلان
-
پہلی بیوی کی اجازت کے بغیر دوسری شادی کرنے والے شوہر کو 3 ماہ قید کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.