پاکستان سے آنیوالے افغان مہاجرین کی زندگیوں کوخطرہ ہوسکتا ہے،امدادی تنظیموں کا انتباہ

منگل 23 اگست 2016 13:41

کابل(اُردو پوائنٹ اخبارتازہ ترین - این این آئی۔23 اگست ۔2016ء) امدادی تنظیموں نے خبردار کرتے ہوئے کہا ہے کہ پاکستان سے واپس آنے والے افغان مہاجرین کو جان لیوا نتائج کا سامنا کرنا پڑ سکتا ہے۔ایسے تھوڑے ہی افغان مہاجرین ہیں، جن کو واپسی پر امداد فراہم کی جا رہی ہے۔

(جاری ہے)

میڈیارپورٹس کے مطابق غیر سرکاری تنظیم نارویریفیوجی کونسل ( این آر سی) کی سربراہ کیٹ او رورکے نے ایک بیان جاری کرتے ہوئے کہا کہ پاکستان سے واپس آنے والے مہاجرین کو فوری امداد کی ضرورت ہے۔

ان کا کہنا تھاان لوگوں کو نظرانداز کیا جا رہا ہے۔ انہیں فوری امداد کی ضرورت ہے ورنہ اس کے خطرناک نتائج برآمد ہوں گے۔ان کا بین الاقوامی برادری سے اپیل کرتے ہوئے کہنا تھا کہ اس سلسلے میں انہیں فوری مالی امداد فراہم کی جائے۔ صورتحال کی سنگینی کو بیان کرتے ہوئے ان کا کہنا تھا کہ بہت سے خاندانوں کے سروں پر چھت ہی نہیں ہے۔ بچوں کو دیکھ کر لگتا ہے کہ وہ خوراک کی کمی کا شکار ہیں، یہاں تک کہ پینے کے صاف پانی تک کی کمی ہو چکی ہے۔

Facebook Twitter Google + Share on Whatsapp

پاکستان سے آنیوالے افغان مہاجرین کی زندگیوں کوخطرہ ہوسکتا ہے،امدادی تنظیموں کا انتباہ

متعلقہ عنوان :

مزید اہم خبریں