پرویز رشید اور ایم کیوایم کے درمیان مذاکرات کا پہلا دور ناکام
یکطرفہ کارروائیاں کی جارہی ہیں، جب تک بے گناہ کارکنان کی رہائی عمل میں نہیں لائی جائے گی بھوک ہڑتال جاری رہے گی،ایم کیو ایم ایم کیو ایم کی جانب سے 20 نکات پر مشتمل مطالبات کی فہرست مجھے مل گئی ہے، فہرست وزیراعظم کو پیش کرونگا،سینیٹر پرویز رشید کی بات چیت
پیر 22 اگست 2016 17:40
کراچی(اُردو پوائنٹ اخبارتازہ ترین - این این آئی۔22 اگست ۔2016ء) وفاقی وزیر اطلاعات پرویز رشید اور ایم کیوایم کے درمیان مذاکرات کا پہلا دور ناکام ہوگیاہے۔وفاقی وزیر ایم کیوایم کا پیغام لے کر اسلام آباد روانہ ہوگئے۔ وزیر اطلاعات نے کہاکہ ایم کیو ایم کی شکایتوں کا سنجیدگی سے جائزہ لیا جائے گا۔تفصیلات کے مطابق پیرکوپنجاب ہاؤس کراچی میں وفاقی وزیر اطلاعات ونشریات سنیٹرپرویزرشید اور ایم کیوایم وفد کے درمیان مذاکرات ہوئے۔
ڈاکٹرفاروق ستار،کنور نویدجمیل،خواجہ سہیل منصور اور نسرین جلیل نے انہیں کراچی آپریشن اور کارکنوں کی بازیابی پر تحفظات سے آگاہ کیا۔انہوں نے کہاکہ کارکنان کے لاپتہ ہونے سے انکے اہل خانہ سمیت دیگر کارکنان میں تشویش پائی جاتی ہے ،کراچی آپریشن کی آڑ میں یکطرفہ کارروائی کی جارہی ہے۔(جاری ہے)
ایم کیوایم کے وفد نے وفاقی وزیر اطلاعات کو بتایا کہ جب تک بے گناہ کارکنان کی رہائی عمل میں نہیں لائی جائے گی بھوک ہڑتال جاری رہے گی۔
ملاقات میں وزیراطلاعات پرویز رشید نے ایم کیوایم کے وفد کو یقین دلایا کہ بے گناہ کارکنان کی حراست پر رہائی عمل میں لائی جائے گی ، احتجاج ایم کیو ایم کا جمہوری حق ہے لیکن ازالہ ہونے پر احتجاج ختم ہونا چاہیئے۔وفاقی وزیراطلاعات نے کہاکہ ایم کیو ایم کی جانب سے 20 نکات پر مشتمل مطالبات کی فہرست مجھے مل گئی ہیں یہ فہرست وزیراعظم کو پیش کرونگا ، فاروق ستار سے ہونے والی ملاقات مثبت رہی امید ہے ایک دو دن میں اچھے نتائج سامنے آجائینگے۔سنیٹرپرویزرشیدنے کہاکہ وزیراعظم کی ہدایت تھی کہ ایم کیو ایم رہنماؤں سے ملوں ۔ وزیراعظم کو ایم کیو ایم سے ہونے والی ساری گفتگو بتا دوں گا ۔ انہوں نے کہاکہایم کیوایم نے اپنے تحفظات سے آگاہ کر دیا ہے ۔ ایم کیو ایم کی شکایتیں دور کرنا چاہتے ہیں ۔ ایک دو دن میں ایم کیوایم کی ہڑتال کا مسئلہ مثبت انداز میں حل کر لیں گے اور امید ہے کہ ایم کیو ایم کے رہنما اپنے گھر جا کر آرام دہ زندگی گزاریں گے ۔ مجھے امید ہے یہ تکلیف دہ صورتحال ایک دو دن میں ختم ہو جائے گی۔وفاقی وزیراطلاعات نے کہا کہ وزیراعظم سے مشاورت کے بعد ہی کسی نتیجے پر پہنچیں گے۔پرویز رشید ایم کیوایم کا پیغام لیکر اسلام آباد روانہ ہوگئے،انہوں نے بھوک ہڑتالی کیمپ کا دورہ بھی نہیں کیا جبکہ ایم کیوایم رہنما پریس کلب پر جاری متحدہ کے بھوک ہڑتاک کیمپ پر پہنچ گئے ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.