پنجاب میں کومبنگ آپریشن بغیر کسی رعائت کیا جائے،بریگیڈیر(ر)مشتاق احمد
تازہ ترین : 1

پنجاب میں کومبنگ آپریشن بغیر کسی رعائت کیا جائے،بریگیڈیر(ر)مشتاق احمد

اسلام آباد(اُردو پوائنٹ اخبارتازہ ترین۔12 اگست ۔2016ء)پاکستان عوامی تحریک شمالی پنجاب کے صدر بریگیڈیر(ر)مشتاق احمد نے کہا ہے کہ پنجاب میں کومبنگ آپریشن بغیر کسی رعائت کیا جائے ، پنجاب میں دہشت گردوں اور ان کے سہولت کارو ں کی بیخ کنی تک بلا تفریق آپریشن جاری رکھا جائے،ضرب عضب آپریشن کو کامیاب بنانے کے لئے ملک دشمن عناصر کے ساتھ آہنی ہاتھوں سے نمٹنے کی ضرورت ہے،20اگست کا سورج قاتل حکمرانوں کے اقتدار کے خاتمے کی نوید لے کر طلوع ہوگا ،آرمی چیف سے انصاف کا مظالبہ لے کر سڑکوں پر نکل رہے ہیں،انصاف ملنے تک واپس نہیں آئیں گے،،ان خیالات کااظہار انہوں نے گزشتہ روز20اگست کو راولپنڈی میں ہونے والے احتجاجی دھرنے کی تیاریوں کے سلسلے میں عوامی تحریک فیڈرل ایریا اسلام آبادکے منعقدہ اجلاس میں خطاب کرتے ہوئے کیا،اس موقع پر ضلعی صدر عوامی تحریک ابراررضاایڈووکیٹ،جنرل سیکرٹری راجہ منیر اعجاز،،فاروق بٹ،میڈیاکوآرڈینیٹر غلام علی خان، شیخ اقبال،پھل نصیب،یسین قادری،عاصم سعید،صوبیدار محمد سلیم،چوہدری جمشید،سید حیدر شاہ،میر عبدالوحید،سردار محمد علی لاشاری،ملک تنویر،محسن شاہ،جاوید قریشی،راجہ یاسر،تیمور حسین،کامران کیانی،حافظ سہیل اور دیگر عہدیداران و کارکنان بڑی تعدادمیں موجود تھے، ابراررضاایڈووکیٹ ،راجہ منیر اعجازنے کہا کہ 20اگست کو راولپنڈی میں ہونے والے احتجاجی دھرنے میں اسلام آباد سے بڑی تعداد میں قافلوں کی صورت میں شرکت کی جائے گی، تحریک قصاص ظلم کے ایوانوں میں زلزلہ بپا کر چکی ہے، ظلم اورکرپشن کی دیوار کو ایک آخری دھکے کی ضرورت ہے،جس کے لئے اسلام آباد کے عوام ڈاکٹر طاہرالقادری کا ساتھ دیں،تحریک قصاص کو منطقی انجام تک پہنچائے بغیر پیچھے نہیں ہٹیں گے

مزید متعلقہ خبریں پڑھئیے‎ :

وقت اشاعت : 12/08/2016 - 22:01:15

متعلقہ عنوان :

اپنی رائے کا اظہار کریں