کوئٹہ،زرغون روڈ دھماکے کا مقدمہ درج ، سیکورٹی ہائی الرٹ،معمولات زندگی متاثر
تازہ ترین : 1

کوئٹہ،زرغون روڈ دھماکے کا مقدمہ درج ، سیکورٹی ہائی الرٹ،معمولات زندگی متاثر

کوئٹہ (اُردو پوائنٹ اخبارتازہ ترین۔12 اگست ۔2016ء )کوئٹہ میں تین دنوں میں دہشت گردی کے دو واقعات کے بعد سیکورٹی ہائی الرٹ کر دی گئی ۔ شہر میں معمولات زندگی متاثر ہیں۔ کوئٹہ کے زرغون روڈ پر ہونے والے دھماکے کا مقدمہ سول لائن تھانے نامعلوم افراد کے خلاف درج کرلیا گیا۔ پولیس کے مطابق زرغون روڈ پر نجی ہسپتال کے قریب ہونے والے دھماکے کا مقدمہ سول لائن تھانے میں ایس ایچ او کی مدعیت میں نامعلوم افراد کے خلاف درج کیا گیا۔

مقدمے میں اقدام قتل،ایکسپوزو ایکٹ اور انسداد دہشت کی دفعات درج کی گئی ، زرغون روڈ دھماکے میں چھ پولیس اہلکار سمیت اٹھارہ افراد زخمی ہوگئے تھے۔ سانحہ کوئٹہ کے بعد ملک بھر میں عدالتوں کی سیکورٹی سخت کر دی گئی ، سانحہ کوئٹہ کے افسوناک واقعہ کے بعد عدالتی احاطوں میں واک تھرو گیٹس اور سیکورٹی انتہائی سخت کر دی گئی ۔ چیف جسٹس لاہورہائیکورٹ جسٹس سیدمنصورعلی شاہ کی ہدایت پرسخت چیکنگ کے بعد صرف اصل شناختی کارڈز رکھنے والوں کو داخل ہونیکی اجازت دی جا رہی ہے۔

مزید متعلقہ خبریں پڑھئیے‎ :

وقت اشاعت : 12/08/2016 - 12:00:22

اپنی رائے کا اظہار کریں