پشاور،عدالتی احکامات پر آر ایم آئی ہسپتال میں مختص کارپارکنگ بحال کردی گئی
تازہ ترین : 1

پشاور،عدالتی احکامات پر آر ایم آئی ہسپتال میں مختص کارپارکنگ بحال کردی گئی

پی ڈی اے کی خصوصی ٹیم نے حیات آباد میں واقع ہسپتال میں غیر قانونی تعمیرات کو بھی مسمارکر دیا

پشاور(اُردو پوائنٹ اخبارتازہ ترین۔11 اگست ۔2016ء)پشاورہائیکورٹ کے احکامات کی روشنی میں پشاورڈیویلپمنٹ اتھارٹی ( پی ڈی اے) نے رحمان میڈیکل انسٹیٹیوٹ(آرایم آئی ) ہسپتال میں قائم غیرقانونی تعمیرات مسمار کرکے گاڑیوں کیلئے مختص پارکنگ بحال کردی ہے۔ڈائریکٹرجنرل پی ڈی اے کی ہدایت پر ڈائریکٹراسٹیٹ مینجمنٹ ڈاکٹرشاہد کریم کی سربراہی میں خصوصی ٹیم نے عدالتی احکامات کی پیروی کرتے ہوئے آرایم آئی ہسپتال میں قائم بلڈ نگ بائی لاز کے خلاف غیر قانونی تعمیرات مسمارکرکے عمارت کی بیسمنٹ میں مختص گاڑیوں کی پارکنگ کو بحال کردیا ہے۔مذکورہ اقدام سے ہسپتال کے باہر کھڑی کی گئی گاڑیوں کی آمدورفت میں کمی واقع ہوگی اور ٹریفک کے مسائل بھی کم ہونگے۔

مزید متعلقہ خبریں پڑھئیے‎ :

وقت اشاعت : 11/08/2016 - 20:58:30

متعلقہ عنوان :

اپنی رائے کا اظہار کریں