وزیر اعلیٰ پنجاب کا لیجنڈ کرکٹرحنیف محمدکے انتقال پر دکھ اور افسوس کا اظہار
تازہ ترین : 1

وزیر اعلیٰ پنجاب کا لیجنڈ کرکٹرحنیف محمدکے انتقال پر دکھ اور افسوس کا اظہار

حنیف محمد نے اپنی شاندار بیٹنگ سے دنیائے کرکٹ پر راج کیا، کرکٹ کے میدان میں انکی خدمات کو ہمیشہ یاد رکھا جائیگا، شہباز شریف

لاہور(اُردو پوائنٹ اخبارتازہ ترین۔11 اگست ۔2016ء) وزیر اعلیٰ پنجاب محمد شہباز شریف نے لیجنڈ کرکٹرحنیف محمدکے انتقال پر گہرے دکھ اور افسوس کا اظہار کیا ہے۔وزیراعلیٰ نے حنیف محمد مرحوم کے اہل خانہ سے ہمدردی اوراظہار تعزیت کیااوردعا کی ہے کہ اللہ تعالیٰ مرحوم کی روح کو جواررحمت میں جگہ دے اورلواحقین کو صبر جمیل عطافرمائے۔وزیراعلیٰ نے کہا کہ لٹل ماسٹر حنیف محمد کے انتقال سے مجھے دلی دکھ اور صدمہ ہوا ہے۔

حنیف محمد دنیائے کرکٹ کے بہت بڑے کھلاڑی تھے۔انہوں نے کہا کہ حنیف محمد نے اپنی شاندار بیٹنگ سے دنیائے کرکٹ پر راج کیا۔ حنیف محمد کرکٹ کے عظیم کھلاڑی تھے اور انہوں نے دنیا بھر میں پاکستان کا نام روشن کیا۔ کرکٹ کے میدان میں حنیف محمد کی خدمات کو ہمیشہ یاد رکھا جائے گا۔

وقت اشاعت : 11/08/2016 - 20:45:13

اپنی رائے کا اظہار کریں