چین کے پاور اسٹیشن میں ہائی پریشر اسٹیم پائپ کے پھٹنے سے 21 افراد ہلاک اور 5 زخمی ..
تازہ ترین : 1
چین کے پاور اسٹیشن میں ہائی پریشر اسٹیم پائپ کے پھٹنے سے 21 افراد ہلاک ..

چین کے پاور اسٹیشن میں ہائی پریشر اسٹیم پائپ کے پھٹنے سے 21 افراد ہلاک اور 5 زخمی ہوگئے

بیجنگ(اردو پوائنٹ اخبارتازہ ترین-انٹرنیشنل پریس ایجنسی۔ 11 اگست۔2016ء) وسطی چین کے پاور اسٹیشن میں ہائی پریشر اسٹیم پائپ کے پھٹنے سے 21 افراد ہلاک اور 5 زخمی ہوگئے۔اطلاعات کے مطابق دھماکا چین کے شہر دنیانگ کے ایک پاور پلانٹ میں ہوا۔ریسکیو ٹیمیں اور حکام دھماکے کی جگہ پر پہنچے جبکہ اسٹیم پائپ کے پھٹنے کی وجوہات معلوم کرنے کی کوشش کی جارہی ہے۔

واضح رہے کہ چین کے صنعتی علاقوں میں اس طرح کے حادثات پیش آتے رہتے ہیں، جن کے باعث بھاری جانی و مالی نقصان ہوتا ہے۔چین کی حکومت کی جانب سے ان حادثات سے بچنے کے لیے کئی اقدامات بھی اٹھائے گئے ہیں اور حادثات سے بچنے کی یہ کوششیں گزشتہ سال اس وقت تیز کردی گئی تھیں، جب مشرقی ساحلی شہر تیان جن کی کیمیکل فیکٹری میں متعدد دھماکوں میں فائر فائٹرز اور پولیس اہلکاروں سمیت 173 افراد ہلاک ہوگئے تھے۔یہ واقعہ چین کے صنعتی علاقوں میں پیش آنے والے بدترین واقعات میں سے ایک تھا۔رواں سال جون میں بھی وسطی چین کی ایلومینیم ریفائنری میں پیش آنے والے حادثے میں 11 افراد ہلاک ہوئے تھے۔

مزید متعلقہ خبریں پڑھئیے‎ :

وقت اشاعت : 11/08/2016 - 20:23:54

متعلقہ عنوان :

اپنی رائے کا اظہار کریں