اقبال ٹاؤن میں بجلی کے تار گرنے سے جاں بحق ریسکیو اہلکار کے لواحقین کے لئے 2لاکھ ..
تازہ ترین : 1

اقبال ٹاؤن میں بجلی کے تار گرنے سے جاں بحق ریسکیو اہلکار کے لواحقین کے لئے 2لاکھ روپے مالی امداد کا اعلان

مدثر کے گھر والے نوکری کیلئے بھی درخواست دے سکتے ہیں ،واقعے کی تحقیقات کیلئے 3رکنی کمیٹی بھی تشکیل دیدی ‘ ڈی جی ریسکیو ارشد ضیاء

لاہور(اُردو پوائنٹ اخبارتازہ ترین۔11 اگست ۔2016ء)ڈائریکٹرجنرل پنجاب ایمرجنسی سروس (ریسکیو1122) بریگیڈئیر (ر)ڈاکٹر ارشد ضیاء نے اقبال ٹاؤن میں بجلی کے تار گرنے سے جاں بحق ہونیوالے ریسکیو اہلکار کے لواحقین کے لئے 2لاکھ روپے مالی امداد کا اعلان کر دیا جبکہ واقعے کی تحقیقات کے لئے 3رکنی کمیٹی بھی تشکیل دیدی گئی۔ تفصیلات کے مطابق بدھ کے روز اقبال ٹا?ن کے علاقے میں ریسیکو 1122کی گاڑی پر بجلی کے تار گرنے کے باعث ریسکیو اہلکار مدثر جاں بحق جبکہ دو زخمی ہو گئے تھے۔

ڈی جی ریسکیو بریگیڈیئر (ر) ارشد ضیاء نے جاں بحق ہونیوالے ریسکیو اہلکار کے لواحقین کے لئے 2لاکھ روپے مالی امداد کا اعلان کرتے ہوئے کہا ہے کہ مدثر کے گھر والے نوکری کے لئے بھی درخواست دے سکتے ہیں۔ بریگیڈیئر (ر) ارشد ضیاء نے واقعے کی تحقیقات کے لئے 3رکنی کمیٹی بھی تشکیل دیدی جس میں ریجنل ایمرجنسی آفیسر رفعت ضیاء ، ایمرجنسی آفیسر محمد شاہ اور ڈپٹی ڈائریکٹر پلاننگ اینڈ ڈویلپمنٹ فہیم قریشی شامل ہوں گے۔ کمیٹی تحقیقات کر کے دو روز میں رپورٹ پیش کرے گی جس کے بعد اندراج مقدمہ کی درخواست دی جائے گی۔

مزید متعلقہ خبریں پڑھئیے‎ :

وقت اشاعت : 11/08/2016 - 18:59:03

متعلقہ عنوان :

اپنی رائے کا اظہار کریں