قومی اسمبلی میں انکم ٹیکس (ترمیمی) آرڈیننس 2016ء پیش کردیا گیا
تازہ ترین : 1

قومی اسمبلی میں انکم ٹیکس (ترمیمی) آرڈیننس 2016ء پیش کردیا گیا

اسلام آباد (اُردو پوائنٹ اخبارتازہ ترین۔11 اگست ۔2016ء)قومی اسمبلی میں انکم ٹیکس (ترمیمی) آرڈیننس 2016ء پیش کردیا گیا۔ جمعرات کو قومی اسمبلی کے اجلاس میں پارلیمانی سیکرٹری خزانہ رانا محمد افضل خان نے انکم ٹیکس (ترمیمی) آرڈیننس 2016ء پیش کیا۔ سید نوید قمر نے کہا کہ آئین صرف ہنگامی حالات میں آرڈیننس کے اجراء کی اجازت دیتا ہے۔ یہ قومی اسمبلی کے اجلاس سے صرف ایک دن قبل جاری کیا گیا۔ پارلیمانی سیکرٹری خزانہ رانا محمد افضل خان نے کہا کہ ٹیکسوں کی وصولی اہم معاملہ ہے اس لئے یہ آرڈیننس لایا گیا۔ ڈاکٹر شیریں مزاری نے کہا کہ آرڈیننسوں کی بجائے قانون سازی ہونی چاہیے۔ سپیکر نے کہا کہ آئین کے تحت جب پارلیمنٹ کا اجلاس ہو رہا ہو تو آرڈیننس نہیں آسکتا بصورت دیگر لایا جاسکتا ہے۔

وقت اشاعت : 11/08/2016 - 18:50:14

متعلقہ عنوان :

اپنی رائے کا اظہار کریں