خوبار کریک میں پاکستان نیوی کا سرچ اینڈ ریسکیو آپر،7 ماہی گیروں کو سمندر میں ڈوبنے سے بچا لیا گیا
جمعرات 11 اگست 2016 18:16
کراچی(اُردو پوائنٹ اخبارتازہ ترین - این این آئی۔11 اگست ۔2016ء) پاکستان نیوی نے کیٹی بند ر کے سمندری علاقے میں بروقت اور کامیاب سرچ اینڈ ریسکیو آپریشن کرتے ہوئے سات ماہی گیروں کو سمندر میں ڈوبنے سے بچا لیا۔اس آپریشن میں پاک میرینز، تیز رفتار سپیڈ بوٹس اور پاک بحریہ کے ہیلی کاپٹر نے حصہ لیا۔تفصیلات کے مطابق مقامی ماہی گیروں نے کیٹی بندرمیں قائم پاکستان نیوی کے بیس کوخوبارکریک کے سمندری علاقے میں الکبیرہوورا بوٹ کے ڈوبنے کی اطلاع دی جس پر بارہ ماہی گیر سوار تھے۔
واقعہ کی اطلاع ملتے ہی پاکستان نیوی نے فوراً سرچ اینڈ ریسکیو آپریشن کا آغازکیا اورپاک میرینز کی دو ٹیموں کو تیز رفتار سپیڈ بوٹس کے ذریعے جائے حادثہ کی طرف روانہ کیا۔جائے حادثہ کیٹی بندر سے تقریباً19.4سمندری میل کے فاصلے پر واقع ہے۔(جاری ہے)
اس مشکل اور کٹھن آپریشن میں سخت جدوجہد کے بعد خوبارکریک سے سات ماہی گیروں کو بچا لیا گیاجبکہ پانچ ماہی گیروں کی تلاش کے لئے پاکستان نیوی کا سرچ اینڈ ریسکیو آپریشن جاری ہے ۔
سرچ آپریشن کے دائرہ کار کو مزید وسیع کرنے اور ماہی گیروں کی جلد تلاش کے لئے پاکستان نیول ایوی ایشن کے ہیلی کاپٹر بھی اس آپریشن میں حصہ لے رہے ہیں۔پاکستانی سمندری سرحدوں کی محافظ پاک بحریہ اپنی پیشہ ورانہ ذمہ داریوں کی ادائیگی کے ساتھ ساتھ کسی بھی سمندری ناگہانی آفت یا حادثے سے نمٹنے کے لئے ہمہ وقت تیار رہتی ہے ۔مزید برآں میری ٹائم شعبے سے متعلقہ قانون نافذ کرنے والے اداروں اور ایجنسیوں سے ہر وقت رابطے کے لئے پاک بحریہ نے سال 2013میں جوائنٹ میری ٹائم انفارمیشن اینڈ کوارڈی نیشن سنٹر قائم کیاہے۔ اس سنٹر کا بنیادی مقصدپاکستان کے میری ٹائم اثاثوں کی موثر انداز میں حفاظت اور کسی بھی ناگہانی صورت حال سے نبرد آزما ہونے کے لئے میری ٹائم شراکت داروں کی کوششوں کو یکجا کرنا ہے۔ یہ سنٹر ان اداروں کے درمیان رابطے کا مرکز ہے۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
عمران خان نے2 ججوں کی یقین دہانی پر اپنا دھرنا ختم کیا،فیصل واوڈا کا انکشاف
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.