عسکری اداروں کے خلاف حکومتی اتحادیوں کی ہرزہ سرائی قابل مذمت ہے‘عبدالعلیم خان
راکے جاسوس پکڑے جانے پر حکمرانوں کو سانپ سونگھ گیا ،حکومتی مہرے پھر بے نقاب ہو گئے‘رہنما پی ٹی آئی
جمعرات 11 اگست 2016 18:15
لاہور(اُردو پوائنٹ اخبارتازہ ترین - این این آئی۔11 اگست ۔2016ء ) تحریک انصاف سنٹرل پنجاب کے صدر عبدالعلیم خان نے کہا ہے کہ حکومت اتحادیوں کی طرف سے دہشتگردی ،را کی کاروائیوں اور غیر ملکی مداخلت کی مذمت کرنے کی بجائے عسکری اداروں کے خلاف قومی اسمبلی میں کی جانے والی ہرزہ سرائی قابل مذمت ہے محمود اچکزئی ،مولانا فضل الرحمان اور غلام احمد بلور جیسی شخصیات نے کبھی پاکستان کے قیام کو دل سے تسلیم ہی نہیں کیا حکومت کی گود میں بیٹھنے اور مراعات حاصل کرنے کے باوجود قومی اداروں کے بارے میں شرمناک گفتگو ان شخصیات کی اصل ذہنیت کی عکاسی ہے جس پر ہر پاکستانی کو تشویش ہے ۔
عبدالعلیم خان نے کہا کہ بلوچستان سے را کے جاسو س پکڑے جانے پر وزیر اعظم اور اُن کی کابینہ سمیت حکمرانوں کو سانپ سونگھ گیا دراصل انہیں پاکستان کے تحفظ کی بجائے بھارت سے اپنے بزنس کی فکر لاحق ہو گئی تھی حالانکہ اُسی جاسوس نے پاکستان میں بھارت کی تخریبی کاروائیوں کا بھانڈہ پھوڑ دیا تھا ۔(جاری ہے)
انہوں نے کہا کہ مسلح افواج کے بارے میں ایسے شرمناک اور نفرت انگیز بیانات آئین پاکستان کی خلاف ورزی ہیں جن کا اعلیٰ عدالتوں کو از خود نوٹس لینا چاہیے ۔
عبدالعلیم خان نے کہا کہ وزیر اعظم کی آشیر باد کے بغیر "اچکزئی اینڈ کمپنی "ایسی حرکات کا ارتکاب نہیں کر سکتے درحقیقت ایک مرتبہ پھر حکومتی مہرے بے نقاب ہو گئے ہیں۔ عبدالعلیم خان نے مزید کہا کہ کراچی سے خیبر تک پاکستان کے عوام دہشتگردی کے خلاف جاری جنگ اور وطن عزیز کے دفاع کو یقینی بنانے کیلئے افواج پاکستان کے شانہ بشانہ ساتھ کھڑے ہیں وقت آ گیا ہے کہ پاکستان کے اصل دشمنوں کو پہچانا جائے اور اُن کی بیخ کنی کیلئے ہر پاکستانی باہر نکلے۔ عبدالعلیم خان نے کہا کہ عمران خان کی کال بھی اسی سسٹم اور خرابیوں کے خلاف ہے جس کا مقصد ملک کو صاف اور شفاف نظام دینا ہے ۔متعلقہ عنوان :
مزید قومی خبریں
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.