کوئٹہ ، زرغون روڈ کے قریب زور دار دھماکہ، 2 پولیس اہلکاروں سمیت 12 افراد زخمی
تازہ ترین : 1

کوئٹہ ، زرغون روڈ کے قریب زور دار دھماکہ، 2 پولیس اہلکاروں سمیت 12 افراد زخمی

کوئٹہ(اُردو پوائنٹ اخبارتازہ ترین۔11 اگست ۔2016ء ) کوئٹہ میں زرغون روڈ کے قریب زور دار دھماکے کے نتیجے میں 2 پولیس اہلکاروں سمیت 12 افراد زخمی ہوگئے،زخمیوں کو قریبی ہسپتال منتقل کردیا گیا جن میں سے کئی کی حالت تشویشناک ہے اور ہلاکتوں کا خدشہ ہے ۔جمعرات کو ریسیکیو ذرائع کے مطابق دھماکا زرغون روڈ پر الخیر ہسپتال کے قریب ہوا۔ دھماکے کے نتیجے میں 2 پولیس اہلکاروں سمیت 12 افراد زخمی ہوگئے۔

دھماکے کے بعد زخمیوں کو فوری طور پر ہسپتال منتقل کردیا گیا۔میڈیا رپورٹس کے مطابق دھماکے کے وقت وفاقی شریعت کورٹ کے جج جسٹس ظہور شاہوانی کی گاڑی وہاں سے گزر رہی تھی تاہم وہ دھماکے میں محفوظ رہے۔ صوبائی وزیر داخلہ سرفراز بگٹی نے میڈیا سے گفتگو کرتے ہوئے بتایا کہ دھماکا ریموٹ کنٹرول ڈیوائس کے ذریعے کیا گیا جس میں تین سے چار کلو دھماکا خیز مواد استعمال کیا گیا، دھماکے کے قبل جج کی گاڑی وہاں سے گزری تھی، دھماکے سے پولیس کی ایک گاڑی کو معمولی نقصان پہنچا۔

صوبائی وزیر داخلہ کا کہنا تھا کہ دھماکے میں زخمی ہونے والے تمام افراد کی حالت خطرے سے باہر ہے۔ انہوں نے بتایا کہ ایسی کارروائیاں 14اگست کی سرگرمیاں سبوتاژکرنیکی کوشش ہے، سیکیورٹی انتظامات کو مزیدبہتر بنارہے ہیں۔ ذرائع کے مطابق دھماکا خیز مواد فلائی اوور پر نصب کیا گیا تھا، دھماکا اس قدر شدید تھا کہ اس کی اAواز دور دور تک سنی گئی اور قریبی عمارتوں کے شیشے ٹوٹ گئے، دھماکے سے ایک گاڑی اور دو موٹرسائیکلوں کو نقصان پہنچا۔ سیکورٹی اداروں نے علاقے کو گھیرے میں لے کر تحقیقات شروع کردی ہیں ۔ خیال رہے کہ 8 اگست کو کوئٹہ کے سول ہسپتال میں خودکش دھماکے کے نتیجے میں70 افراد جاں بحق جبکہ112 سے زائد زخمی ہوگئے تھے۔

مزید متعلقہ خبریں پڑھئیے‎ :

وقت اشاعت : 11/08/2016 - 11:13:56

متعلقہ عنوان :

اپنی رائے کا اظہار کریں