ثانوی تعلیمی بورڈ کراچی کا سالانہ امتحان برائے سال 2017 جماعت نہم سائنس و جنرل گروپ ..
تازہ ترین : 1

ثانوی تعلیمی بورڈ کراچی کا سالانہ امتحان برائے سال 2017 جماعت نہم سائنس و جنرل گروپ (ریگولر) طلباء وطالبات کے انرولمنٹ فارم جمع کرانے کی تاریخ کا اعلان

کراچی(اُردو پوائنٹ اخبارتازہ ترین۔10 اگست ۔2016ء)ثانوی تعلیمی بورڈ کراچی نے سالانہ امتحان برائے سال 2017 جماعت نہم سائنس و جنرل گروپ (ریگولر) طلباء وطالبات کے انرولمنٹ فارم جمع کرانے کی تاریخ کا اعلان کر دیا ہے۔ اعلامیہ کے مطابق انرولمنٹ فارم 25جولائی سے 25اگست 2016تک بغیر لیٹ فیس کے جمع کئے جاسکیں گے یہ تمام فارمز اسکولوں کے سربراہان اپنے اتھارٹی لیٹر اورشناختی کارڈ کی فوٹو کاپی کے ساتھ سیکرٹری بورڈ کے نام پے آرڈر کے ذریعے جمع کرا سکتے ہیں۔

انرولمنٹ فارمز بورڈ آفس کے ایگزامینیشن اسٹور سے حاصل کئے جا سکتے ہیں جبکہ یہ فارمز نیشنل بینک، حبیب بینک، عسکری، بینک ،یونائیٹڈ بینک پر بھی دستیاب ہوں گے اس ضمن میں واضح کیا گیا ہے کہ25اگست 2016 کے بعد شیڈول کے مطابق لیٹ فیس کے ساتھ فارم وصول کئے جائیں گے اور بغیر لیٹ فیس کی وصولی کی تاریخ میں کسی بھی قسم کی توسیع نہیں کی جائے گی

مزید متعلقہ خبریں پڑھئیے‎ :

وقت اشاعت : 10/08/2016 - 20:12:42

متعلقہ عنوان :

اپنی رائے کا اظہار کریں