محکمہ بہبود آبادی میں تجربہ کار لوگوں کی بھرتیاں اور مانیٹرنگ کا باقاعدہ عمل جاری ہے‘بیگم ذکیہ شاہنواز
سٹیک ہولڈرز ، این جی اوز ، پارلیمنٹرینز ، مذہبی سکالرز ، میڈیا اور تمام حکومتی اداروں اور محکموں کی معاونت اور رہنمائی ضروری ہے ‘فیملی پلاننگ کے فروغ سے متعلق پالیسی میکرز اور صحافیوں کے مشاورتی سیمینار سے خطاب
بدھ 10 اگست 2016 18:52
لاہور(اُردو پوائنٹ اخبارتازہ ترین - این این آئی۔10 اگست ۔2016ء ) صوبائی وزیر بہبود آبادی بیگم ذکیہ شاہنواز نے کہا ہے کہ محکمہ بہبود آبادی اپنی کارکردگی کو مزید بہتر بنانے کے لئے مستعد اور متحرک ہے ،اس ضمن میں نئے تجربہ کار لوگوں کی بھرتیاں کی جا رہی ہے ، مانیٹرنگ کے باقاعدہ سسٹم کا عمل جاری ہے اور مانع حمل ادویات کی ترسیل و فراہمی کی بھی سختی سے نگرانی ہو رہی ہے ، پرنٹ اور الیکٹرانک میڈیا کے ذریعے جاری آگاہی مہم کو مزید موثر و فعال بنایا جا رہا ہے - ان خیالات کا اظہار مقامی ہوٹل میں صوبائی وزیر نے فیملی پلاننگ کے فروغ سے متعلق پالیسی سازوں اور صحافیوں کے مشاورتی سیمینار سے خطاب کرتے ہوئے کیا - انہوں نے کہا کہ بڑھتی ہوئی آبادی کا مسئلہ ایک بہت بڑا چیلنج ہے اس سے نبردآزما ہونے کے لئے بہبود آبادی کو تمام سٹیک ہولڈرز ، این جی اوز ، پارلیمنٹرینز ، مذہبی سکالرز ، تمام مکاتب فکر ، میڈیا ، تمام حکومتی اداروں اور محکموں کی معاونت و مشاورت اور رہنمائی کی ضرورت ہے - انہوں نے کہا کہ ڈینگی کے خاتمے کی طرح پوری قوم کو انڈو نیشیا ، ترکی اور بنگلہ دیش کی طر ح بڑھتی ہوئی آبادی کو کنٹرول کرنے کے لئے جنگی بنیادوں پر کام کرنا ہو گا - پورے ملک کو وسائل اور آبادی میں توازن کے حوالے سے انفرادی و اجتماعی سطح پر پوری کمٹمنٹ کے تحت کام کرنے کی ضرورت ہے -پڑھے لکھے لوگ قوت ارادی کے تحت فیملی سائز بنیادی ضروریات کے مطابق رکھنے کے لئے ناخواندہ لوگوں کو آگاہ کریں کیونکہ ہمیں وہ بچے چاہیں جن کی ماں باپ بہتر تعلیم و تربیت کر سکیں - صوبائی وزیرنے کہا کہ اس وقت محکمہ عوام کو کوالٹی مانع حمل ادویات فراہم کر رہا ہے انہوں نے این جی اوز کی بہبود آبادی سے متعلق حکومتی کاوشوں میں سپورٹ کو سراہا - صوبائی وزیر نے کہا کہ محکمہ تعداد کی بجائے استعداد کی بنیاد پر پہلے سے کئی گنا متحرک اور فعال انداز سے کام کر رہا ہے - انہوں نے کہا کہ مقصد بے جا کثیر اولادی کے رویے اور خواتین کی شرح اموات کو روکنا ہے - انہوں نے کہا کہ حکومت کے ساتھ ساتھ معاون اداروں اور سیاسی شخصیات کی بھی ذمہ داری ہے کہ وہ اپنے اپنے اداروں اور اپنے زیر اثر طبقات و افسران کے ذریعے کچی آبادیوں او رپسماندہ علاقوں میں آبادی کے حوالے سے کام کریں - سیمینار کے آغاز میں صوبائی سیکرٹری بہبود آبادی ڈاکٹر عصمت طاہرہ نے استقبالیہ خطبہ دیا اور محکمے کی کارکردگی سے متعلق بتایا ڈاکٹر نائلہ نے جاری پروجیکٹس کے حوالے سے بریفنگ دی -سیمینار میں پارلیمنٹرینز اور صحافیوں کے درمیان سوال و جواب بھی ہوئے - اس موقع پرپروین گل ، ڈاکٹر تنویر شیخ ، نبیلہ مالک ، فرزانہ نذیر ، شہزادہ بٹ اور عاصمہ بلال نے اپنے اپنے خیالات کا اظہار کیا -اس موقع پر ڈائریکٹر جنرل نعیم الدین راٹھور ، مذہبی سکالر شہزاد مجددی ، ظفر قریشی ، سینئر صحافی اور محکمہ بہبود آبادی کے افسران نے بھی شرکت کی -
متعلقہ عنوان :
مزید قومی خبریں
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
صوبائی وزیر صنعت و تجارت چوہدری شافع حسین کا رایہ گولف اینڈ کنٹری کلب ڈیفنس کا دورہ
-
جعلی ادویات کی فروخت میں ملوث میڈیکل اسٹور منیجر گرفتار
-
کچھ لوگ جعلی حلقہ بندیوں اور ووٹر لسٹ کے باعث مسلط ہیں، خالد مقبول
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کا اسلام آباد میں چینی سفارت خانے کے دورے کے موقع پر گفتگو
-
لاہور ہائیکورٹ کا واسا کی اجازت کے بغیر لگنے والے ٹیوب ویلز کو سیل کرنے کا حکم
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.