سالانہ امتحانات برائے 2016ء کے نتائج کی تیاری کا کام تیزی سے جاری ہے ، جلد نتائج کے اجراء کا سلسلہ شروع کردیا جائے گا، چیئرمین انٹر بورڈ
منگل 9 اگست 2016 21:38
کراچی (اُردو پوائنٹ اخبارتازہ ترین - این این آئی۔9 اگست ۔2016ء) اعلیٰ ثانوی تعلیمی بورڈ کراچی کے چیئرمین محمد اختر غوری نے کہا ہے کہ سالانہ امتحانات برائے 2016ء کے نتائج کی تیاری کا کام تیزی سے جاری ہے ، جلد نتائج کے اجراء کا سلسلہ شروع کردیا جائے گا، ملازمین کی ترقی اور سہولیات کی فراہمی کیلئے ہر ممکن اقدام کیا جارہا ہے۔ ملازمین سے بھی توقع کرتا ہوں کہ وہ ادارے کی ترقی کیلئے اپنا کردار ادا کریں گے،ملازمین اپنی پیشہ ورانہ ذمہ داریاں ادا کرتے ہوئے اجتماعی سوچ کا مظاہرہ کریں اور ادارے کے مفادات کا تحفظ کریں۔
ان خیالات کا اظہار انہوں نے اعلیٰ ثانوی تعلیمی بورڈ کراچی میں ملازمین کو پروموشن اور کنفرمیشن دینے کے سلسلے میں ہونے والی تقریب سے خطاب کرتے ہوئے کیا۔(جاری ہے)
تقریب میں ناظم امتحانات محمد عمران خان چشتی، قائم مقام سیکرٹری عظیم احمد سمیت بورڈ کے تمام افسران اور ملازمین شریک تھے۔ یاد رہے بورڈ کی تاریخ میں پہلی دفعہ ملازمین کی پروموشن اور کنفرمیشن کے اعلان کیلئے تقریب کا انعقاد کیا گیا ۔
تقریب کا آغاز تلاوت کلام پاک، نعت رسول مقبول ﷺاور قومی ترانہ سے ہوا جس کے بعد ناظم امتحانات محمد عمران خان چشتی کو تقریب سے خطاب کرنے کے لئے مدعو کیا گیا اس موقع پر تمام ملازمین و افسران نے کھڑے ہو کر محمد عمران خان چشتی کا والہانہ استقبال بہت دیر تالیاں بجا کر کیا، اس موقع پر ناظم امتحانات محمد عمران خان چشتی نے اپنے خطاب میں کہا کہ چیئرمین بورڈ محمد اختر غوری بورڈ ملازمین کی فلاح و بہبود کیلئے انقلابی اقدامات کررہے ہیں، انہوں نے مزید کہا کہ بورڈ ملازمین سالانہ امتحانات برائے 2016ء کے نتائج کی تیاری کیلئے جس طرح محنت سے اپنا کام کررہے ہیں وہ قابل تحسین ہے۔ اس موقع پر چیئرمین انٹربورڈ محمد اختر غوری نے 60 ملازمین کو پروموشن دینے، 42ملازمین کو کنفرم کرنے اور 168 ملازمین کیلئے پری میجیور انکریمنٹ دینے کا اعلان کیا۔ چیئرمین انٹربورڈ محمد اخترغوری نے اپنے خطاب میں مزید کہا کہ یہ ادارہ اور ملازمین مجھے اپنے گھر کی طرح عزیز ہیں اور میں گھر کے سربراہ کی حیثیت سے ادارے کو ترقی کی بلندیوں تک پہنچانے اور ملازمین کی بہتری کیلئے ہر ممکن اقدامات کررہا ہوں۔تقریب میں بورڈ کے تقریباً تمام ملازمین موجود تھے جنہوں نے چیئرمین انٹربورڈ محمد اختر غوری کی قیادت پر مکمل اعتماد کا اظہار کرتے ہوئے ان کا شاندار استقبال کیا اور ان کی بورڈ کیلئے خدمات کو سراہا۔مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.