ون ویلنگ کے خاتمے اور روڈ سیفٹی بارے شہریوں میں01لاکھ سے زائد پمفلٹس تقسیم
تازہ ترین : 1

ون ویلنگ کے خاتمے اور روڈ سیفٹی بارے شہریوں میں01لاکھ سے زائد پمفلٹس تقسیم

چیف ٹریفک آفیسر کا ون ویلنگ کے شعور اجاگر کرنے کیلئے لگائے گئے ٹریفک آگاہی کیمپ کا دورہ

لاہور(اُردو پوائنٹ اخبارتازہ ترین۔9 اگست ۔2016ء) چیف ٹریفک آفیسر لاہورطیب حفیظ چیمہ نے شہریوں کوون ویلنگ جیسے خونی کھیل سے دور رکھنے اورمحفوظ سفر کا شعور بیدار کرنے کیلئے مال روڈ پر لگائے گئے ٹریفک آگاہی کیمپ کا وزٹ کیا۔اٹلس ہنڈا کی معاونت سے لگائے گئے کیمپ میں سی ٹی او کے ہمراہ مینجر اٹلس ہنڈا تسلیم شجاع ،ٹریفک افسران اور شہری شریک تھے،سی ٹی او طیب حفیظ چیمہ نے کہا اس مہم کے دوران اب تک شہریوں میں 01لاکھ سے زائد شعور بیداری پمفلٹس تقسیم کیئے جا چکے ہیں۔

سی ٹی او نے کہا کہ 14اگست تک جاری رہنے والی اس مہم کے دوران لبرٹی ،جیل روڈ،بھاٹی اور اک موریہ پل سمیت شہر کے مختلف رش والے علاقوں میں کیمپ جاری رہیں گے۔انہوں نے انچارج ٹریفک ایجوکیشن ٹیم کو ہدایت کی کہ شہریوں کو خصوصی طور پرون ویلنگ کے نقصانات بارے بریف کرتے ہوئے روڈ سیفٹی ،ون ویلنگ بارے لیکچر ز کا باقاعدگی سے اہتمام کریں۔طیب حفیظ چیمہ نے کہا کہ ہم سب کااخلاقی فرض ہے کہ ہم اپنے پیاروں کواس خونی کھیل سے دوررکھیں، نوجوان نسل مستقبل کاقیمتی اثاثہ ہیں اور ملک وقوم کے مستقبل کوون ویلنگ کی نذر ہو نے نہیں دیا جا ئے گابلکہ ہمیں انکی توانائیوں کوتعمیراتی کاموں کیلئے وقف کرناچاہیے۔

سی ٹی او نے کہا کہ سٹی ٹریفک پولیس نے ون ویلنگ کے خاتمے اور ٹریفک قوانین کی پاسداری کیلئے جامع حکمت عملی مرتب کی ہے جس پر عملدرآمد کیلئے ہر ممکن اقدامات کیئے جارہے ہیں، ایسے میں نوجوان نسل کو اس خونی کھیل سے دور رکھنے میں میڈیا اور والدین کوبھی اپنا کردار ادا کرنا ہوگا۔

مزید متعلقہ خبریں پڑھئیے‎ :

وقت اشاعت : 09/08/2016 - 20:38:07

متعلقہ عنوان :

اپنی رائے کا اظہار کریں