وفاقی حکومت کے جائیداد کی قیمتوں بارے نئے نظام میں ابہام ، ملک بھر میں پراپرٹی رجسٹریشن کا کام ٹھپ ،عوام میں شدید مایوسی پھیل گئی
حکومت کو بھی محصولات کی مدمیں بھاری نقصان کا سامنا
منگل 9 اگست 2016 20:19
اسلام آباد(اُردو پوائنٹ اخبارتازہ ترین - آن لائن۔9 اگست ۔2016ء) وفاقی حکومت کی جانب سے جائیداد کی قیمتوں کے حوالے سے متعارف کئے گئے نئے نظام میں ابہام کے نتیجے میں ملک بھر میں پراپرٹی رجسٹریشن کا کام ٹھپ ہوکر رہ گیا ہے۔ جس کی وجہ سے عوام میں شدید مایوسی پھیل رہی ہے دوسری جانب حکومت کو بھی محصولات کی مدمیں بھاری نقصان ہورہا ہے۔ ایسو سی ایشن آف بلڈرز اینڈ ڈیویلپرز پاکستان کے سینئر وائس چیرمین عارف یوسف جیوا نے کہا ہے کہ پراپرٹی رجسٹرارز کی جانب اسرار کیا جارہا ہے کہ ایف بی آر کی مقرر کردہ پراپرٹی ویلیوایشن کے مطابق اسٹیمپ ڈیوٹی ادا کی جائے نا کہ ڈی سی ریٹ کے مطابق۔
عارف یوسف جیوا نے کہا ہے کہ پراپرٹی رجسٹرارز عوام کو گمراہ کررہے ہیں، انہوں نے کہا کہ ایف بی آر نے جائیداد کی ویلیویشن کا نظام صرف ودھ ہولڈنگ اور کیپیٹل گین ٹیکس کی وصولی کے لئے متعارف کرایا ہے نا کہ اسٹیمپ ڈیوٹی کے لئے۔(جاری ہے)
عارف یوسف جیوا نے کہا ہے کہ اسٹیمپ ڈیوٹی ڈی سی ریٹ کے مطابق طے کی جاتی ہے جبکہ یہ قطعا صوبائی معاملہ ہے۔ آباد کے سینیر وائس چیرمین نے وفاقی حکومت اور ایف بی آر سے مطالبہ کیا ہے کہ ملک بھر کے جائیداد رجسٹرارز کو واضع ہدایات جاری کی جائیں کہ ایف بی آر کا متعین کردہ نظام صرف ودھ ہولڈنگ ٹیکس اور کیپیٹیل گین ٹیکس کی وصولی کے لئے ہے چناچہ اس کا تعلق اسٹیمپ ڈیوٹی سے نہیں۔
انہوں کہا کہ حکومت جب چاہے اور جیسے چاہے نئے قوانین بنا لیتی ہے لیکن اس کے مضمر اثرات کے بارے میں توجہ نہیں دی جاتی۔ آباد کے سینئر وائس چیرمین عارف یوسف جیوا نے کہا کہ بعض غلط فیصولوں سے اربوں روپے ٹیکس دینے والی صنعتیں تباہی کے دہانے پر پہنچ چکی ہیں جن پر توجہ دینے سے حکومت آنکھیں چرارہی ہے۔انہوں نے کہا کہ جائیداد کی قیمتوں کے تعیئن کے نظام کو لاگو کرنے سے قبل حکومت آگاہی مہم کے ذریعے عوام اور خصوصا سرمایہ کاروں میں پائی جانے والی بے چینی کو دور کرے۔ انہوں نے کہا کہ آگاہی مہم سے قبل اور کچھ عرصہ کے لئے اس نظام پر عمل درآمد روکا جائے تاکہ ملک بھر میں اس نظام کے حوالے سے منفی تاثر ذائل ہوسکے۔ عارف یوسف جیوا نے کہا کہ ایف بی آر کی طے کردہ جائیداد کی قیمتیں کئی شہروں میں فیئر مارکیٹ ویلیو سے کہیں زیادہ ہیں ، حکومت فوری طور پر ان قیمتوں کا از سر نو تعیئن کرےمتعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.