جاپان کا کوئٹہ میں دہشت گردی کے واقعے پر اظہار مذمت ، لواحقین سے دِلی افسوس اور ..
تازہ ترین : 1

جاپان کا کوئٹہ میں دہشت گردی کے واقعے پر اظہار مذمت ، لواحقین سے دِلی افسوس اور ہمدردی کا اظہار

جاپان دہشتگردی کی ہر شکل کی سخت مذمت کرتا ہے، دہشتگردی کے خلاف جنگ میں پاکستان کی حمایت کرتے ہیں،جاپانی وزارتِ خارجہ کے پریس سیکرٹری کا بیان

ا سلا م آباد (اُردو پوائنٹ اخبارتازہ ترین۔9 اگست ۔2016ء ) حکومت جاپان نے کوئٹہ کے سول ہسپتال میں گزشتہ روز ہونے والے دہشت گردی کے افسوسناک واقعے کی شدید مذمت کی ہے اور معصوم قیمتی جانوں کے ضیاع پر دِلی دُکھ اور افسوس کا اظہار کیا ہے۔ منگل کو جاپانی وزارتِ خارجہ کے پریس سیکرٹری نے اپنے ایک بیان میں کہا ہے کہ جاپان دہشت گردی کے اِن واقعات کی سخت مذمت کرتا ہے جس میں معصوم لوگوں کو نشانہ بنایا جاتا ہے۔

اُنھوں نے کہا کہ دہشت گردی چاہے کسی بھی شکل میں ہو جاپان اُس کی سخت مذمت کرتا ہے۔ اُنھوں نے حکومتِ پاکستان کی دہشت گردی کے خلاف جنگ میں عالمی برادری کے ساتھ مل کر جاپان کی طرف سے بھر پور حمایت کا یقین دلایا۔ وزارتِ خارجہ کے پریس سیکرٹری نے حکومتِ جاپان کی طرف سے دہشت گردی کے اِس افسوسناک حملے میں جاں بحق و زخمی ہونے والے افراد کے لواحقین سے دِلی ہمدردی اور افسوس کا اظہار کیا ہے۔

وقت اشاعت : 09/08/2016 - 17:35:43

متعلقہ عنوان :

اپنی رائے کا اظہار کریں