کراچی ،ڈی جی کے ڈی اے کا لینڈ اور ریکوری ڈپارٹمنٹ کا دورہ ،افسران اور عملے کی غیر ..
تازہ ترین : 1

کراچی ،ڈی جی کے ڈی اے کا لینڈ اور ریکوری ڈپارٹمنٹ کا دورہ ،افسران اور عملے کی غیر حاضری پر اظہار ناراضی

کراچی (اُردو پوائنٹ اخبارتازہ ترین۔9 اگست ۔2016ء) ڈائریکٹر جنرل ادارہ ترقیات کراچی سید ناصر عباس نے بدھ کی صبح کے ڈی اے سوک سینٹرمیں تیسری منزل پر لینڈ ڈپارٹمنٹ اور پانچویں اور چھٹی منزل پر ریکوری ڈپارٹمنٹ کا دورہ کیا،دورے کے دوران لینڈ ڈپارٹمنٹ اور ریکوری ڈپارٹمنٹ میں افسران اور دیگر عملہ کی کافی تعداد میں غیر حاضری پر سخت ناراضگی کا اظہار کیااور تنبیہ کی کہ دفتر میں وقت مقررہ پر حاضری کے معاملے میں کسی سے کوئی رعایت نہیں برتی جائے گی۔

انہوں نے کہاغیر حاضر ملازمین کے خلاف فوری طور پر وارننگ لیٹر جاری کئے جائیں اور ایسے عملے کے خلاف جو عادتاً دیر سے دفتر آتے ہیں ان کے خلاف سخت تادیبی کاروائی کی جائے ۔ ڈی جی کے ڈی اے نے ڈائریکٹر ریکوری اور ایڈیشنل ڈائریکٹر ایڈمن لینڈ کو ہدایت کی کہ دونوں محکموں میں افسران اور ملازمین کے ٹرانسفر پوسٹنگ کی لسٹ تیار کرنے کی ہدایت کی۔ اس موقع پرانہوں نے دونوں محکموں میں صفائی ستھرائی بہتر بنانے کے بھی احکامات جاری کئے ۔

مزید متعلقہ خبریں پڑھئیے‎ :

وقت اشاعت : 09/08/2016 - 17:19:24

متعلقہ عنوان :

اپنی رائے کا اظہار کریں