کارکردگی پر کوئی سمجھوتا نہیں کیا جائیگا، منظور وسان
تازہ ترین : 1

کارکردگی پر کوئی سمجھوتا نہیں کیا جائیگا، منظور وسان

کراچی (اُردو پوائنٹ اخبارتازہ ترین۔09 اگست ۔2016ء)صوبائی وزیر صنعت و تجارت منظور وسان نے کہا ہے کہ کارکردگی پر کوئی سمجھوتا نہیں کیا جائیگا، افسران اور ملازمین اپنا قبلہ درست کرلیں۔صوبائی وزیر نے سائٹ لمیٹڈکے دفتر پر چھاپا مارا اور مختلف سیکشن کا دورہ کیا۔صوبائی وزیر نے غیرحاضری پر ایم ڈی سائٹ لمیٹڈ غلام مجتبیٰ جویو کو شوکاز نوٹس جاری کردیا۔

منظور وسان نے دفتر میں ٹوٹی کرسیوں اورگندگی پربرہمی کا اظہار کیا ۔دورے کے دوران سیکرٹری کا دفتر بھی خالی ملا جس پر سیکرٹری آغا فخر جبکہ ڈپٹی چیف انجینئرعبدالمالک بھٹی کو بھی شوکاز دیدیا۔صوبائی وزیر نے ملازمین کا ڈیٹا فراہم نہ کرنے پر بائیومیٹرک کلرک کو شوکاز جاری کردیا، سائٹ لمیٹڈدفترمیں 914 ملازمین میں سے 308 غیر حاضر تھے ‘منظور وسان نے غیر حاضر ملازمین کا بائیو ڈیٹا حاصل کرلیا اور ان کی تنخواہیں روکنے کے احکامات جاری کردیئے۔

مزید متعلقہ خبریں پڑھئیے‎ :

وقت اشاعت : 09/08/2016 - 14:07:52

متعلقہ عنوان :

اپنی رائے کا اظہار کریں