پولیس کی شہر میں جاری ون ویلنگ کے خلاف مہم ،37ون ویلرز گرفتار کر کے مقدمات درج
تازہ ترین : 1

پولیس کی شہر میں جاری ون ویلنگ کے خلاف مہم ،37ون ویلرز گرفتار کر کے مقدمات درج

لاہور(اُردو پوائنٹ اخبارتازہ ترین۔8 اگست ۔2016ء )لاہورپولیس نے شہر میں جاری جان لیوا کھیل ون ویلنگ کے خلاف مہم کے دوران گزشتہ ایک روز میں37ون ویلرز کو گرفتار کر کے ان کے خلاف37 مقدمات درج کر لئے ۔تفصیلات کے مطابق ڈی آئی جی آپریشنز ڈاکٹر حیدر اشرف تمام ڈویژنل ایس پیز کو ہدایت کی کہ ون ویلنگ کے خلاف جاری مہم کو کامیاب کر نے کے لئے تمام تر وسائل بروئے کارلائیں جائیں اور ون ویلرز کی خلاف بلاامتیاز کارروائی کی جائے ۔

جس پرتمام ڈویژنل ایس پیز نے ون ویلرز کی حو صلہ شکنی کے لئے خصو صی پولیس ٹیمیں تشکیل دے کر ون ویلرز کے خلاف کارروائی کا حکم دیا۔جس پر لاہور کی تما م ڈویژنز میں گزشتہ ایک روز کے دوران 37ون ویلرز کو گرفتارکر کے ان کے خلاف 37مقدمات درج کرلئے۔ڈی آئی جی آپریشنز ڈاکٹر حیدر اشرف نے اس موقع پرکہا کہ سی سی پی او لاہور کیپٹن (ر)محمد امین وینس کی خصوصی ہدایت پر ون ویلرز کے خلاف شہر میں کریک ڈاؤن جاری ہے اور میں اس کریک ڈاؤن کو خود مانیٹر کررہا ہوں۔انہوں نے مزید کہا کہ والدین سے اپیل کی کہ وہ اپنے بچوں کو ون ویلنگ جیسے جان لیوا کھیل کو روکنے کے لئے لاہور پولیس کا ساتھ دیں اور ان کی زندگی اور قوم کے مستقبل کو تاریک ہونے سے بچائیں۔

مزید متعلقہ خبریں پڑھئیے‎ :

وقت اشاعت : 08/08/2016 - 22:23:01

متعلقہ عنوان :

اپنی رائے کا اظہار کریں