روئی کے آفیشل اسپاٹ ریٹس 6 ہزار 800 روپے اور 7 ہزار 288 روپے پر بند
تازہ ترین : 1

روئی کے آفیشل اسپاٹ ریٹس 6 ہزار 800 روپے اور 7 ہزار 288 روپے پر بند

کراچی(اُردو پوائنٹ اخبارتازہ ترین۔8 اگست ۔2016ء) روئی کے آفیشل اسپاٹ ریٹس برائے 37.324 کلو گرام اور 40 کلوگرام کے بھاؤ میں تیزی کا رجحان رہا۔ پیر کو 37.324 کلو گرام اور 40 کلوگرام کے ریٹس میں بالترتیب 50 روپے اور 54 روپے کا اضافہ ہوگیا۔ ایسوسی ایشن سے جاری کردہ اعداد و شمار کے مطابق روئی کی نئی فصل 2016-17ء کے آفیشل اسپاٹ ریٹس برائے 37.324 کلو گرام کے نرخ گذشتہ کاروباری روز کے بھاؤ 6 ہزار 750 روپے سے بڑھ کر 6 ہزار 800 روپے اور 40 کلوگرام کے ریٹس 7 ہزار 234 روپے سے بڑھ کر 7 ہزار 288 روپے ہو گئے۔

اسی طرح 37.324 کلوگرام کے بھاؤ 135 روپے اندرون ملک اخراجات کے ساتھ 6 ہزار 935 روپے اور 40 کلوگرام کے ریٹس 145 روپے اندرون ملک اخراجات کے ساتھ 7 ہزار 433 روپے پر بند ہوئے۔ ایسوسی ایشن نے مزید بتایا کہ ملک کے مختلف شہروں سے حاصل کردہ تفصیلات کے مطابق ڈومیسٹک ٹرانزیکشن کے تحت روئی کی نئی فصل برائے 2016-17ء کی 7 ہزار 800 گانٹھوں کے سودے 6 ہزار 900 روپے سے 7 ہزار 150 روپے فی من پر بند ہوئے۔

انہوں نے بتایا کہ سانگھڑ اور میرپورخاص کی روئی کی فی کس 1 ہزار 200 گانٹھوں کے سودے سب سے کم بھاؤ 6 ہزار 900 روپے سے 7 ہزار روپے فی من پر بند ہوئے۔ اسی طرح حیدرآباد کی روئی کی 400 گانٹھوں کے سودے بھی 6 ہزار 900 روپے سے 7 ہزار روپے فی من پر بند ہوئے جبکہ کوٹھری کی روئی کی 400 گانٹھوں کے سودے 6 ہزار 950 روپے فی من رہے۔ ایسوسی ایشن نے بتایا کہ چیچہ وطنی کی روئی کی 200 گانٹھوں کے سودے سب سے زیادہ ریٹس 7 ہزار 150 روپے فی من پر بند ہوئے جبکہ بورے والا کی روئی کی 300 گانٹھوں کے سودے 7 ہزار 100 روپے سے 7 ہزار 150 فی من رہے اور ہارون آباد کی روئی کی 400 گانٹھوں کے سودے 7 ہزار 100 روپے فی من پر بند ہوئے۔

وقت اشاعت : 08/08/2016 - 21:08:33

متعلقہ عنوان :

اپنی رائے کا اظہار کریں