حوصلے سے دشمن کی سازش ناکام بنانا ہوگی ٗکمانڈر سدرن کمانڈ
تازہ ترین : 1

حوصلے سے دشمن کی سازش ناکام بنانا ہوگی ٗکمانڈر سدرن کمانڈ

کوئٹہ (اُردو پوائنٹ اخبارتازہ ترین۔8 اگست ۔2016ء)کمانڈر سدرن کمانڈ لیفٹیننٹ جنرل عامر ریاض نے دھماکے کے بعد سول ہسپتال کوئٹہ کا دورہ کیا ۔ سوگوار وکیلوں کو تسلی دیتے ہوئے لیفٹیننٹ جنرل عامر ریاض نے کہا کہ اپنے حوصلے سے دشمن کی سازش ناکام بنانا ہوگی ،بہت مشکل وقت ہے،حوصلے کے ساتھ برداشت کرنا ہے۔لیفٹیننٹ جنرل عامر ریاض نیسول اسپتال میں زخمیوں کی عیادت کی اور اپنے ساتھیوں کی شہادت پر غمزدہ وکلاء سے غمگساری بھی کی ۔

انہوں نے کہا کہ دشمن بہت بزدل ہے،اسے ہرصورت شکست دیں گے، معصوم شہریوں کو نشانہ بناناقابل افسوس ہے۔کمانڈر سدرن کمانڈ نے سول ہسپتال انتظامیہ کو بھی شدید زخمیوں کو سی ایم ایچ منتقل کرنے کی بھی پیشکش بھی کی ۔اس موقع پر ایک وکیل نے لیفٹیننٹ جنرل عامر ریاض کو واقعہ کے بارے میں تفصیلات سے آگاہ کیا ۔

وقت اشاعت : 08/08/2016 - 18:49:13

متعلقہ عنوان :

اپنی رائے کا اظہار کریں