عابدشیر علی واپڈا کی غفلت کے باعث بجلی کابھاری بھرکم بل موصول ہونے پر خود کشی کرنے والے ٹیکسلا کے شہری کے گھر پہنچ گئے
بیوہ سے داد رسی کی اور خود کشی کرنے والے شخص کیلئے دعائے مغفرت ،وزارت کی جانب سے متاثرہ خاندا ن کے لئے مالی معاونت کا اعلان ،غفلت برتنے پر واپڈا ٹیکسلا بلنگ ڈیپارٹمنٹ کے ساتھ اہلکار معطل مقدمہ کے اندراج کے لئے ڈی ایس پی ٹیکسلا سرکل ساجد گوندل کو فوری کاروائی کا حکم
پیر 8 اگست 2016 18:05
ٹیکسلا ( اُردو پوائنٹ اخبارتازہ ترین - آئی این پی۔8 اگست ۔2016ء) وزیر مملکت پانی و بجلی عابد شیر علی ، واپڈا کی غفلت کے باعث بجلی کابھاری بھرکم بل موصول ہونے پر خود کشی کرنے والے ٹیکسلا کے شہری کے گھر پہنچ گئے،بیوہ سے داد رسی کی اور خود کشی کرنے والے شخص کے لئے دعائے مغفرت کی ،وزارت کی جانب سے متاثرہ خاندا ن کے لئے مالی معاونت کا اعلان ،غفلت برتنے پر واپڈا ٹیکسلا بلنگ ڈیپارٹمنٹ کے ساتھ اہلکار معطل ، مقدمہ کے اندراج کے لئے ڈی ایس پی ٹیکسلا سرکل ساجد گوندل کو فوری کاروائی کا حکم دے دیا،اپنے دورہ ٹیکسلا کے دوران متاثرہ خاندان سے اظہار تعزیت کیا ، میڈیا سے گفتگو کے دوران وزیر مملکت پانی و بجلی عابد شیر علی کا کہنا تھا کہ غریب شہریوں پر ظلم کا پہاڈ ڈھانے والے محکمہ واپڈا میں موجود غنڈوں کا بھرپور محاسبہ کیا جائے گا،جن کے ظلم و زیادتی کی بناپر کئی خاندان برباد ہوچکے ہیں،جبری دہشتگردی کا خاتمہ اپنے محکمہ سے کریں گے،انکا کہنا تھا کہ محکمہ میں موجود کالی بھیڑوں اور کرپٹ عناصر کے ساتھ کسی قسم کی رعائت نہیں برتی جائے گی، ان افراد کو جیلوں میں ڈالیں گے،محکمانہ ظلم وستم کو خٹم کریں گے،انھوں نے بتایا کہ یہ انکی سرپرائز وزٹ ہے، جس کی بنیادی وجہ ٹیکسلا کے شہری کی خود کشی کا دل ہلا دینے والا سانحہ ہے جو بجلی کے بھاری بل اوور بلنگ کے باعث اس دنیا سے چلا گیا،ان لوگوں کو ہتکڑیاں لگیں گی یہ لوگ جیلوں میں جائیں گے،انکا کہنا تھا کہ ہم مظلوموں کی آو از ہیں ،محکمہ سے غنڈہ گردی کا خاتمہ کر کے دم لیں گے،ان کہنا تھا کہ جو لوگ بھی اوور بلنگ کر رہے ہیں انھیں کسی صورت معاف نہیں کیا جائے گا نا جانے کتنے خاندان انکے عتاب کا نشانہ بن چکے ہیں،انکا کہنا تھا کہ متاثرہ خاندان سے تعلق رکھنے والے افراد کی کفالت کی ذمہ داری آئیسکو کی ہوگی،ان کہا کہنا تھا کہ جن جن شہریوں کے ساتھ زیادتی ہوئی ہے انکا بھرپور ازالہ کیا جائے گا،یاد رہے کہ چند روز قبل ٹیکسلا کے ایک کسان ارشد ولد علی محمد جو کہ حاجی سعید اختر کی دس کنال زمین پر کاشتکاری کرتا تھا زرعی ٹیوب ویل کے میٹر کے360یونٹ کابجلی بل واپڈا نے ایک لاکھ چار ہزار بھیج دیا ،متوفی نے واپڈا آفس سے رابطہ کیا اور کئی بار چکر لگانے کے باوجود بل درست نہ کیا گیا ایک کلرک سے لیکر ایکسئین تک متوفی نے رسائی حاصل کی مگر بل پھر بھی درست نہ ہوا الٹا واپڈا اہلکاروں نے بجلی کا بل درست کرنے کے لئے رشوت مانگ لی، ارشد محمود جوکہ پہلے ہی غربت کی وجہ سے سخت پریشان تھااس نے دلبرداشتہ ہو کر گھر میں موجود فصلوں پر سپرے کی جانے والی کیڑے مار دواپی لی جب اسکی حالت غیر ہونے لگی تو اسے فوری طور پر کرسچین ہسپتال لایا گیا جبکہ بعد ازاں حالت بگڑنے پر اسے ڈسٹرکٹ ہسپتال راولپنڈی پہنچایا گیا جہاں وہ ایک دن موت و حیات کی کشمکش میں مبتلا رہنے کے بعد چل بسا ، ادہر خبروں کی اشاعت کے بعد وزیر مملکت پانی و بجلی عابد شیر عی نے اسکا نوٹس لے لیا واپڈا کے عتاب کا نشانہ بننے والے ارشد کے گھر واقع ریلوے پھاٹک نذد چمڑہ کارخانہ پہنچ گئے،اور بیوہ سے اظہار تعزیت کیا اور متاثرہ خاندان کی مکمل مالی معاوت کا اعلان کیا،بعد ازاں وزیر مملکت ڈی ایس پی ٹیکسلا سرکل ساجد گنودل کے دفتر پہنچ گئے جہاں انھوں نے غفلت برتنے والے واپڈا بلنگ ڈیپارٹنت کے اہلکاروں کے خلاف فوری مقدمہ کے اندراج کا حکم دیا ، وہاں موجود شہریوں نے انھیں بتایا کہ یہاں رشوت کا بازار گرم ہے مٹھی گرم کرنے پر کام ہوتے ہیں جس پر وزیر مملکت پانی و بجلی عابد شیر علی نے واپڈا ٹیکسلا کے سات ذمہ داران اہلکاروں کو فوری معطل کرنے کا حکم دیا،وزیر مملکت پانی و بجلی کی ٹیکسلا آمد پر واپڈا کے اہلکاروں میں خوف کی فضا پھیل گئی ہر کوئی اپنی جان خلاصی کے لئے متحرک نظر آرہا تھا۔
مزید اہم خبریں
-
وزیراعظم محمدشہبازشریف کا متحدہ عرب امارات کے شاہی خاندان کے رکن شیخ ھزاع بن سلطان بن زید آل نیہان کےانتقال پر اظہار تعزیت
-
گورنرسندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
بیرون ملک پاکستانیوں نے اپریل میں 2.8 ارب ڈالرز بھیجے
-
اسرائیلی حکومت غیر قانونی اقدامات کررہی ہے، منیر اکرم
-
چیئرمین سینیٹ سید یوسف رضا گیلانی و ڈپٹی چیئرمین سینیٹ سیدال خان کی گوادر کے علاقے میں معصوم مزدورں کے قتل پر اظہار افسو س
-
احسن اقبال کی نیشنل انرجی ایڈمنسٹریشن چین کے چیئرمین سے ملاقات، سی پیک سمیت مختلف امورپر تبادلہ خیال
-
سعودی اور پاکستانی کمپنیوں کے درمیان سرمایہ کاری کے معاہدے طے پاگئے،جام کمال
-
وزیر اعظم شہبازشریف کی ملکی برآمدات کو مزید مسابقتی بنانے کے حوالے سے فوری اقدامات کرنے کی ہدایت
-
9 مئی ریلی کیس،بیرسٹرگوہر،عمرایوب کی عبوری ضمانت منظور
-
تجارت اور کاروبار میں آسانی کے حوالے سے پالیساں بناتے ہوئے نجی شعبے سے مشاورت کو یقینی بنایا جائے، وزیراعظم کی ہدایت
-
نیب ترامیم فیصلے کے خلاف انٹرا کورٹ اپیلوں کی سماعت کیلئے 5 رکنی لارجر بینچ تشکیل
-
لاہور ہائیکورٹ نے پنجاب حکومت کو طالب علموں کو پیر تک الیکٹرک بائیکس تقسیم کرنے سے روک دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.