جماعۃالدعوۃ کا بھارتی وزیر داخلہ راجناتھ سنگھ کی پاکستان آمدکیخلاف3اگست کو ملک گیر یوم احتجاج کا اعلان
بی جے پی حکومت نریندر مودی کی سرپرستی میں پیلٹ گن اور پیپر گیس جیسے مہلک ہتھیاروں سے کشمیریوں کی زندگیاں تباہ کر رہی ہے‘حافظ محمد سعید معصوم بچے، عورتیں اور نوجوان ہسپتالوں میں علاج معالجہ کے حوالہ سے سخت مشکلات کا شکار ہیں، بھارتی فوج ہسپتالوں میں گھس کر مریضوں پر تشدد اور ان کے اہل خانہ کو ہراساں کر رہی ہے‘امیر جماعۃ الدعوۃ
اتوار 31 جولائی 2016 17:33
لاہور(اُردو پوائنٹ اخبارتازہ ترین - این این آئی۔31 جولائی ۔2016ء ) جماعۃالدعوۃ پاکستان نے بھارتی وزیر داخلہ راجناتھ سنگھ کی پاکستان آمدکیخلاف3اگست کو ملک گیر یوم احتجاج کا اعلان کر دیا۔ لاہور، اسلام آباد، کراچی، ملتان، کوئٹہ، پشاور اور مظفر آباد سمیت چاروں صوبوں و آزاد کشمیر میں ا حتجاجی مظاہرے کئے جائیں گے اور ریلیاں نکالی جائیں گی۔
مختلف شہروں و علاقوں میں ہونیو الے احتجاجی مظاہروں اور ریلیوں میں ملک بھر کی مذہبی، سیاسی و کشمیری قیادت خطاب کرے گی۔جماعۃالدعوۃ کے سربراہ حافظ محمد سعید نے کہا ہے کہ بھارت سرکار مہلک ہتھیاروں کے ذریعہ کشمیریوں کی نسل کشی کر رہی ہے اور پاکستانی حکمران راجناتھ جیسے کشمیریوں کے قاتل کے استقبال کی تیاریاں کر رہے ہیں۔(جاری ہے)
ہندوستانی وزیر داخلہ کی پاکستان آمد کیخلاف پاکستانی قوم شدید احتجاج کرے گی۔
جماعۃالدعوۃ کی طر ف سے مظلوم کشمیریوں سے اظہار یکجہتی کیلئے 3اگست کو ملک گیر یوم احتجاج کا اعلان کیا گیا ہے تاکہ دنیا کو پیغام دیا جاسکے کہ حکمرانوں کی مجبوریاں ہو سکتی ہیں لیکن پاکستانی عوام کی کوئی مجبوری نہیں ہے اور وہ ظلم و بربریت کا شکار کشمیریوں کے ساتھ کھڑے ہیں۔ انہوں نے کہاکہ بی جے پی حکومت نریندر مودی کی سرپرستی میں پیلٹ گن اور پیپر گیس جیسے مہلک ہتھیاروں سے کشمیریوں کی زندگیاں تباہ کر رہی ہے۔ سینکڑوں کشمیریوں کی بینائی ختم ہو چکی ۔ معصوم بچے، عورتیں اور نوجوان ہسپتالوں میں علاج معالجہ کے حوالہ سے سخت مشکلات کا شکار ہیں۔ بھارتی فوج ہسپتالوں میں گھس کر مریضوں پر تشدد اور ان کے اہل خانہ کو ہراساں کر رہی ہے۔ کشمیر میں غذائی قلت بھی شدید ہو چکی ۔ نہتے کشمیری بچوں کیلئے دودھ کا ایک ڈبہ حاصل کرنے کیلئے کرفیو کی خلاف ورزیاں کر رہے اور اپنے سینوں پر گولیاں کھا رہے ہیں۔ ان حالات میں ہزاروں مسلمانوں کے قاتل راجناتھ سنگھ کی پاکستان آمد کا سن کر پوری کشمیری وپاکستانی قوم میں سخت بے چینی پائی جاتی ہے۔ حافظ محمد سعید نے کہا کہ ہندو انتہاپسند تنظیم بی جے پی کے لیڈراوربھارتی وزیر داخلہ کے ہاتھ ہزاروں کشمیری مسلمانوں کے خون سے رنگے ہوئے ہیں۔کشمیریوں کے اصل وکیل پاکستان کی جانب سے راجناتھ سنگھ کو پروٹوکول دینا اور استقبال کرنا کشمیریوں کے زخموں پر نمک چھڑکنے کے مترادف ہے۔ سارک تنظیم بھارت کے توسیع پسندانہ عزائم کے خلاف بنائی گئی تھی لیکن افسوس اس بات کا ہے کہ آج مودی سرکار کی دہشت گردی روکنے کیلئے اس تنظیم کا کوئی کردار نظر نہیں آتا بلکہ سارک ممالک کے اس فورم پر بھارت سرگرم کردار ادا کرتا دکھائی دیتا ہے۔ انہوں نے کہاکہ راجناتھ سنگھ کے مقبوضہ کشمیر کادورہ کرنے پر کشمیریوں نے اس سے ملنے سے انکار کر دیا۔ پاکستانی حکمرانوں کو بھی چاہیے تھا کہ وہ اس سلسلہ میں کشمیریوں کے جذبات کو مدنظر رکھتے اورانڈیا پر واضح کیا جاتا کہ ایسے حالات میں کہ جب بھارتی فوج کشمیریوں کا قتل عام کر رہی ہے راجناتھ کے پاکستان آنے سے کشمیریوں و پاکستانی قوم کے جذبات بھڑکیں گے اور حکومت پاکستان مظلوم کشمیریوں کی قربانیاں نظر انداز کرتے ہوئے ان کے قاتلوں کا استقبال کرنے کیلئے تیار نہیں ہے۔ انہوں نے کہاکہ شہداء کا خون ہمیں پکار رہا ہے۔کشمیری مائیں ،بہنیں،بیٹیاں ہمیں مدد کیلئے دہائیاں دے رہی ہیں۔ضرورت اس امر کی ہے کہ کشمیر کی موجودہ صورتحال کو مدنظر رکھتے ہوئے کشمیریوں کی جدوجہد آزادی کو نتیجہ خیز بنانے کیلئے بڑے فیصلے کئے جائیں۔مزید اہم خبریں
-
اسلام آباد ہائیکورٹ کی پمز ہسپتال کے میڈیکل بورڈ کو پرویز الٰہی کی صحت کا دوبارہ جائزہ لینے کا حکم
-
بلوچستان کی 14 رکنی کابینہ نے حلف اٹھا لیا
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.