سائنس فکشن فلم ”اسٹار ٹریک بی یونڈ“ نے باکس آفس پردھوم مچادی

لاس اینجلس (اُردو پوائنٹ اخبارتازہ ترین - این این آئی۔25 جولائی ۔2016ء) ہالی ووڈ کی سائنس فکشن ’اسٹار ٹریک بی یونڈ‘ نے ریلیز کے پہلے ہی ہفتے میں باکس پر تہلکہ مچادیا-تفصیلات کے مطابق جسٹن لِین کی ہدایت کار ی میں بنے والی بالی ووڈسائنس فکشن فلم’اسٹار ٹریک بی یونڈ‘ کی کہانی انسانوں اور خلائی مخلوق کی جنگ کے گرد گھومتی ہے-بالی ووڈ سائنس فکشن فلم نے اپنے ریلیز کے پہلے ہفتے میں ہی انسٹھ اعشاریہ چھ ملین ڈالر کما کر باکس آفس پر دھوم مچادی،فلم میں مرکزی کردار کرس پائن،زو سیلنڈرا، اور کارل اربن اداکررہے ہیں-یاد رہے کہ گذشتہ ہفتے’دی سیکریٹ لائف آف پیٹس‘ امریکی باکس آفس پردھوم مچادی تھی،پالتو جانوروں نے نٹ کھٹ شرارتون سے شائقین کے دل جیت لییفلم نے ریلیز کے پہلے ہفتے ایک سو تین ملین ڈالر کمائے-واضح رہے کہ رواں ہفتے ’دی سیکریٹ لائف آف پیٹس‘ انتیس اعشاریہ تین ملین ڈالرزکا بزنس کرکے باکس آفس پر دوسرے اور ’گھوسٹ بسٹرز‘ اکیس اعشاریہ چھ ملین ڈالرز کماکر تیسرے نمبر پرآگئی-