معلومات تک رسائی کا بل جلدہی وفاقی کابینہ میں منظوری کے بعداسمبلی میں پیش کر دیا جائے گا، سیکریٹری اطلاعات سیدعمران گردیزی
ہفتہ 23 جولائی 2016 22:35
کراچی(اُردو پوائنٹ اخبارتازہ ترین - آن لائن۔23 جولائی ۔2016ء) معلومات تک رسائی کے حق پرمؤثر قانون سازی وفاقی سطح پرآخری مراحل میں ہے جسے جلدہی وفاقی کابینہ میں منظوری کے بعداسمبلی میں پیش کردیاجائے گا۔یہ اعلان وفاقی سیکریٹری اطلاعات سیدعمران گردیزی نے کونسل آف پاکستان پیپرایڈیٹرزسی پی این ای کی جانب سے دی گئی ایک تقریب میں کیا۔اس وتقریب میں ان کی اہیلہ اورہالینڈکیلئے نامزدسفیرعفت عمران گردیزی نے بھی شرکت کی۔
عمران گردیزی نے آزادی صحافت کیلئے اخبارات،صحافیوں اورایڈیٹروں کی خدمات کوسراہتے ہوئے کہاکہ پاکستان کے صحافیوں نے جمہوریت اورآزادی صحافت کیلئے تمام آمرانہ ادوارمیں مشکل ترین صعوبتیں برداشت کیں۔انہوں نے کہاکہ پاکستان کے میڈیاادارے اورصحافتی اقدارگزشتہ ادوارکے مقابلے میں انتہائی بہتراورذمہ دارہیں۔(جاری ہے)
انہوں نے کہاکہ کشمیرمیں بھارتی مظالم کے ضمن میں پاکستانی عوام اورمیڈیااشتعال انگیزی سے گریزکرتے ہوئے پرامن طورپرمئوثر احتجاج کررہے ہیں۔
انہوں نے کہاکہ اخبارات اورپرنٹ میڈیاکی اثرپذیری ایک مسلمہ حقیقت ہے۔آج انفارمیشن ٹیکنالوجی کے موجودہ دورمیں پرنٹ میڈیاکاانتہائی مئوثرکردارآئندہ بھی مسلمہ رہے گا۔انہو ں نے کہاکہ ماحولیاتی تبدیلی بہت بڑاچیلنج ہے اس ضمن میں حکومت پاکستان مختلف اقدامات اٹھارہی ہے اس سلسلے میں میڈیاکوبھی حکومت کے ساتھ عوامی آگاہی کیلئے مہم شروع کرناہوگی۔انہوں نے اعلان کیاکہ سی پی این ای اورحکومت پاکستان کے اشتراک سے بین الاقوامی رائے عامہ کیلئے میڈیاوفودبنائے جائیں گے تاکہ عالمی رائے عامہ میں پاکستان کی مثبت معنوں میں تشخص مزیدمضبوط اور مستحکم ہوسکے۔انہوں نے مزیدکہاکہ ہالینڈکیلئے بحثییت سفیرمیری نامزدگی میرے لئے ایک اعزازہے میں دونوں ملکوں کے درمیان باہمی تعلقات کومضبوط بنانے کے ساتھ پاکستان کے بہترین امیج کومزیدبہتربنانے کی کوشش کروں گی ۔قبل ازیں سیکریٹری جنرل اعجازالحق نے خیرمقدم کرتے ہوئے کہاکہ عمران گردیزی نے تمام میڈیاکیلئے انتہائی گراں قدرخدمات انجام دی ہیں۔تقریب سے نائب صدرسی پی این ای عامرمحموداورفنانس سیکریٹری غلام نبی چانڈیونے بھی خطاب کیامتعلقہ عنوان :
مزید اہم خبریں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.