حکومت کا یکم اکتوبر سے ملک بھر میں موجودہ پیٹرول کی فروخت بند کر نے کا فیصلہ

صرف عالمی معیار کا پیٹرول 92 رون فروخت ہو سکے گا ، سمری اقتصادی رابطہ کمیٹی کو ارسال اس وقت درآمد ہونیوالا 87 رون پیٹرول عالمی سطح پر کم ترین معیار کا حامل ہے ، وزارت پیٹرولیم نے تمام ریفائنریز اور آئل مارکیٹنگ کمپنیز کو فیصلے سے آگاہ کر دیا، قیمت میں 2.60 روپے فی لیٹر اضافہ ہوجائیگا

ہفتہ 23 جولائی 2016 20:05

حکومت کا یکم اکتوبر سے ملک بھر میں موجودہ پیٹرول کی فروخت بند کر نے ..

اسلام آباد (اُردو پوائنٹ اخبارتازہ ترین - این این آئی۔23 جولائی ۔2016ء ) حکومت نے یکم اکتوبر سے ملک بھر میں موجودہ پیٹرول کی فروخت بند کر کے صرف عالمی معیار کا پیٹرول 92 رون فروخت کرنے کا فیصلہ کیا ہے ۔ وزارت پیٹرولیم نے تمام ریفائنریز اور آئل مارکیٹنگ کمپنیز کو فیصلے سے آگاہ کر دیا ۔ ذرائع کے مطابق وزارت پیٹرولیم کی جانب سے اقتصادی رابطہ کمیٹی کو ملک میں اس وقت فروخت کئے جانیوالے 87 رون پیٹرول کی فروخت روکنے سے متعلق سمری ارسال کر دی ہے ۔

(جاری ہے)

وزارت پیٹرولیم کے مطابق ملک میں درآمد ہونیوالا 87 رون پیٹرول عالمی سطح پر کم ترین معیار کا پیٹرول ہے جس کی فروخت یکم اکتوبر سے بند کر کے صرف عالمی معیار کا پیٹرول 92 رون ہی ملک بھر میں فروخت ہو سکے گا ۔ذرائع کے مطابق اعلیٰ معیار کے پیٹرول کی فروخت سے اسکی قیمت میں تقریباً2 روپے 60 پیسے فی لیٹر کا اضافہ ہو جائیگا ۔ وزارت پیٹرولیم کی جانب سے تمام آئل ریفائنریز اور مارکیٹنگ کمپنیز کو حکومتی فیصلے سے آگاہ کر دیا گیا ہے ۔