سیلاب ’’ بوٹوں‘‘ سے نہیں رکتا، شہباز شریف حفاظتی اقدامات اٹھائے جائیں، میاں محمود الر شیدکا نشیبی علاقوں کے دورے کا اعلان
پی ٹی آئی کی مقامی تنظیمیں معاونت کرینگی، کارکن ریلیف کے کاموں میں بڑھ چڑھ کر حصہ لیں، حفاظتی انتظامات کی بجائے خود ساختہ خادم اعلیٰ لمبے بوٹ پہن کر فوٹو شوٹ کرانے کی تیاریاں کر رہے ہیں‘ قائد حزب اختلاف پنجاب کاپبلک سیکرٹریٹ میں وفود سے گفتگو
ہفتہ 23 جولائی 2016 19:57
لاہور ( اُردو پوائنٹ اخبارتازہ ترین - این این آئی۔23 جولائی ۔2016ء) پنجاب اسمبلی میں قائد حزب اختلاف میاں محمود الر شید نے منگل سے پنجاب کے نشیبی علاقوں کے دورے کا اعلان کرتے ہوئے کہا ہے کہ سیلاب ’’ بوٹوں‘‘ سے نہیں رکتا، شہبار شریف حفاظتی اقدامات اٹھائے جائیں، حکومت نے ماضی کی روایت برقرار رکھتے ہوئے اس سال بھی ممکنہ سیلاب سے نمٹنے کیلئے کوئی خاطر خواہ انتظامات نہیں کئے، حفاظتی انتظامات کی بجائے خود ساختہ خادم اعلیٰ لمبے بوٹ پہن کر فوٹو شوٹ کرانے کی تیاریاں مکمل کر چکے ہیں۔
ان خیالات کا اظہار انہوں نے گزشتہ روز پنجاب پبلک سیکرٹریٹ لاہور میں سیالکوٹ، وہاڑی، ملتان اور لیہ سے تعلق رکھنے والے وفود سے ملاقات کرتے ہوئے کیا، وفود میں ڈاکٹر عاصم، اعجاز خان، خادم شفیق ایڈوکیٹ، اظہر قریشی، نوید بھٹی ، عتیق بھٹی ودیگر شامل تھے۔(جاری ہے)
اس موقع پر میاں محمودالرشید نے منگل سے پنجاب کے مختلف شہروں کے نشیبی علاقوں کے دورے کا اعلان کرتے ہوئے کہا کہ وہ عوام کو ممکنہ سیلاب سے بچنے کیلئے احتیاطی تدابیر سے آگاہ کرینگے، اس مہم میں پی ٹی آئی کی مقامی تنظمیں بھی معاونت کرینگی اور کارکن ریلیف کے کاموں میں بڑھ چڑھ کر حصہ لیں گے۔
انہوں نے کہا کہ محکمہ موسمیات نے اس بار زیادہ بارشوں کی پیش گوئی کی ہے اور پہلے سے زیادہ سیلاب کا خدشہ ہے لیکن نہایت افسوس کی بات ہے کہ حکومت پنجاب نے ماضی کی روایت برقرار رکھتے اس سال بھی سیلاب سے بچنے کیلئے کوئی حفاظتی اقدامات نہیں اٹھائے اور بجائے اس کے کہ سیلاب کے کم سے کم نقصان کی حکمت عملی طے کی جاتی لیکن خادم اعلیٰ کی اس پر کوئی توجہ نہیں وہ صرف سیلاب کا انتظار کر رہے ہیں کہ بعد میں وہ لمبے بوٹ پہن کر فوٹو شوٹ کرائیں۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.