وزیر خزانہ سے ارجنٹینا کے سفیر کی ملاقات ٗ دو طرفہ تعلقات پر تبادلہ خیال
وزیر خزانہ کی پاکستان ڈویلپمنٹ فنڈ اور پاکستان مائیکرو فنانس انوسٹمنٹ کمپنی کو رواں مالی سال کی پہلی سہ ماہی کے اندر فعال بنانے کیلئے ہدایات
پیر 18 جولائی 2016 22:45
اسلام آباد (اُردو پوائنٹ اخبارتازہ ترین - این این آئی۔18 جولائی ۔2016ء) وفاقی وزیر خزانہ سینیٹر اسحاق ڈار سے پاکستان میں ارجنٹینا کے سفیر ایوان ایونزیوچ نے ملاقات کی اور دو طرفہ تعلقات پر تبادلہ خیال کیا۔ وزارت خزانہ کے سینئر حکام بھی اس موقع پر موجود تھے اس موقع پر وزیر خزانہ اسحاق ڈار نے کہا کہ یہ کامیابیاں حکومت کی جانب سے پاکستان معیشت کے مختلف شعبوں میں مخلصانہ اور مسلسل اصلاحات کے نتیجہ میں ممکن ہوئیں۔
پاکستان نے میکرو اکنامک استحکام حاصل کر لیا ہے اور اب ترقی اور نمو کی راہ پر گامزن ہے۔ انہوں نے کہا کہ پاکستان ارجنٹینا کے ساتھ اقتصادی اور مالیاتی مینجمنٹ کے شعبہ میں تجربات کے تبادلہ کیلئے تیار ہے۔ وفاقی وزیر نے ارجنٹائن کے سفیر کو پاکستان میں اپنی ذمہ داریاں سنبھالنے پر مبارکباد دی۔(جاری ہے)
اس موقع پر ارجنٹائن کے سفیر نے گزشتہ تین سالوں کے دوران حکومت پاکستان کی اقتصادی کامیابیوں کو سراہا۔
دریں اثناء وفاقی وزیر خزانہ سینیٹر اسحاق ڈار نے پاکستان ڈویلپمنٹ فنڈ اور پاکستان مائیکرو فنانس انوسٹمنٹ کمپنی کو رواں مالی سال کی پہلی سہ ماہی کے اندر فعال بنانے کیلئے ہدایات جاری کردیں۔ وزارت خزانہ کے سینئر حکام کے اجلاس کی صدارت کر تے ہوئے مالی سال 2016-17ء کے بجٹ میں متعارف کرائے گئے نئے اقدامات پر پیش رفت کا جائزہ لیا گیا۔ وفاقی وزیر کو مختلف سکیموں کے آغاز سے متعلق اب تک کی پیشرفت سے آگاہ کیا گیا۔ وفاقی وزیر نے کہا کہ پاکستان ڈویلپمنٹ فنڈ اور پاکستان مائیکرو فنانس انویسٹمنٹ کمپنی کی فعالیت کے حوالے سے تمام اقدامات جلد از جلد مکمل کرنے کی ہدایت کی تاکہ رواں مالی سال کی پہلی سہ ماہی کے دوران یہ اپنا کام شروع کردیں۔ انہوں نے کہا کہ حکومت اقتصادی نمو کے حصول کیلئے کوشاں اور اس سلسلے میں یہ اقدامات اہم کردار ادا کریں گے۔ وفاقی وزیر کو ملٹی لیٹرل انویسٹمنٹ وارنٹی ایجنسی کے سی ای او کے دورہ کے متعلق بھی بریفنگ دی گئی۔ دوسری جانب وفاقی وزیر خزانہ سینیٹر اسحاق ڈار نے سیکورٹیز اینڈ ایکسچینج کمیشن آف پاکستان کی جانب سے کمپنیز بل 2016ء میں نئے تصورات کو متعلقہ شراکت داروں کے ساتھ مکمل مشاورت کے بعد شامل کرنے کی ہدایت کی ہے۔ اجلاس کے دور ان کمپنیز بل 2016ء کے مسودہ پر اب تک کی پیش رفت کے بارے میں بریفنگ دی گئی۔ چیئرمین ایس ای سی پی نے بتایا کہ وزیر خزانہ کی ہدایات کی روشنی میں مشاورتی عمل مکمل کیا گیا ہے اور مختلف شراکتداروں کی آراء کو مدنظر رکھتے ہوئے بل کے مسودہ میں ترامیم بھی کی گئی ہیں۔ اس موقع پر وفاقی وزیر نے کہا کہ بل کا مسودہ باقاعدہ طور پر وزارت خزانہ اور وزارت قانون کو پیش کیا جائے۔ وزیرخزانہ نے کہا کہ نئے متعارف کردہ تصورات کا متعلقہ شراکت داروں کے ساتھ تبادلہ کیا جائے۔ بھرپور مشاورت اور تمام شراکت داروں کی آراء کی روشنی میں ہی نئے متعارف کردہ تصورات کو مجوزہ کمپنیز بل میں شامل کیا جائے۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.