پنجا ب میں ایک ارب روپے کی لاگت سے خصوصی تعلیمی اداروں کو اپ گریڈکیا جائے گا،ملک محمد اقبال چنڑ

پیر 18 جولائی 2016 17:26

لاہور (اُردو پوائنٹ اخبارتازہ ترین - آن لائن۔18 جولائی ۔2016ء) صوبائی وزیر کوآپریٹو ملک محمد اقبال چنڑ نے کہا ہے کہ صوبہ بھر کے خصوصی بچوں کی تعلیم و تر بیت کے لئے نئے مالی سال کے دوران تقریباً ایک ارب روپے کی لاگت سے خصوصی تعلیمی اداروں کو اپ گریڈکیا جائے گا۔تاکہ ان اداروں کو درپیش مسائل کا خاتمہ ممکن ہو سکے ۔اورزیادہ سے زیادہ بچوں کو باآسانی داخلہ میسر آسکے اوروہ معاشرے کا اہم فرد بن سکیں اور اعلیٰ ہنر مند ی کی تربیت حاصل کر کے اپنے خاندان کی کفالت کر سکیں۔

(جاری ہے)

اس امر کا اظہار انہوں نے آج اپنے آفس میں سپیشل بچوں کے والدین سے ملاقات کرتے ہوئے کیا۔ انہوں نے کہا کہ حکومت نے ا ن خصوصی بچوں کو معاشرے کا کارآمد شہری بنانے کے لئے جدید معیاری تعلیمی سہولیات فراہم کرنا شروع کر دیا ہے۔انہوں نے کہا کہ نئے مالی سال کے دوران گورنمنٹ ڈگری کالج آف سپیشل ایجوکیشن ملتان کا عمل میں لایا جائے گا۔اسی طرح طالبات کے لئے گوجرانوالہ اور راولپنڈی میں سیکنڈری سکولوں کا قیام بھی عمل میں لایا جا رہا ہے۔ انہوں نے کہا کہ پہلے سے قائم 8 گورنمنٹ سپیشل ایجوکیشن سنٹرز کی مڈل سے سیکنڈری اور پرائمری سے مڈل تک سکولوں کو اپ گریڈ کیا جا رہا ہے ۔