آرمی چیف کے بینرز آویزاں کرنے پر "موو آن پارٹی " کے سربراہ کیخلاف مقدمہ درج

پیر 18 جولائی 2016 11:54

لاہور (اُردو پوائنٹ اخبارتازہ ترین - آئی این پی۔18 جولائی ۔2016ء) آرمی چیف کے بینرز آویزاں کرنے کے خلاف لاہور کے تھانہ پرانی انارکلی میں مقدمہ درج کر لیا گیا۔

(جاری ہے)

مقدمہ کی درخواست جسٹس پارٹی کے سربراہ منصف اعوان نے جمع کروائی تھی جس میں موقف اختیار کیا گیا تھا کہ "موو آن پارٹی " کے سربراہ میاں کامران نے آرمی چیف کے بینرز مال روڈ اور پرانی انارکلی کے علاقہ میں آویزاں کر رکھے ہیں جو بغاوت کے زمرے میں آتے ہیں۔ درخواست میں کہا گیا کہ ملک میں جمہوری حکومت قائم ہے یہ اقدام آئین کے خلاف ہے۔ پولیس نے درخواست پر میاں کامران کے خلاف مقدمہ کرلیا ۔ ایف آئی آر میں دفعہ 120A ، 124B اور 505 کے شامل ہے۔

متعلقہ عنوان :