مسلم امۃ کو متحد ہو کر اسلام اور مسلم دشمن قوتوں کا مقابلہ کرنا ہو گا‘طاہر محمود اشرفی
سعودی عرب ، ترکی اور پاکستان میں بحران پیدا کرنے والوں کی پشت پناہی کرنے والوں کی حقیقت عالم اسلام کو معلوم ہو چکی ہے
اتوار 17 جولائی 2016 17:18
لاہور(اُردو پوائنٹ اخبارتازہ ترین - این این آئی۔17 جولائی ۔2016ء ) پاکستان علماء کونسل کے چیئرمین حافظ طاہر محموداشرفی نے کہاکہ ترکی کی عوام نے غیر ملکی اور ترک دشمن سازش کو ناکام بنا دیا،مسلم امۃ کو متحد ہو کر اسلام اور مسلم دشمن قوتوں کا مقابلہ کرنا ہو گا، سعودی عرب ، ترکی اور پاکستان میں بحران پیدا کرنے والوں کی پشت پناہی کرنے والوں کی حقیقت عالم اسلام کو معلوم ہو چکی ہے ۔
ان خیالات کااظہارانہوں نے اسلام آباد میں مختلف مکاتب فکر کے علماء و مشائخ کے اجلاس سے خطاب کرتے ہوئے کیا۔ اس موقع پر مولانا عبد الحمید صابری ، مولانا نعمان حاشر ، مولانا حفیظ الرحمن ، مولانا طاہر عقیل ، مولانا ایوب صفدر ، مولانا شبیر احمد عثمانی ، مولانا عبد الحمید وٹو نے بھی خطاب کیا۔(جاری ہے)
حافظ محمد طاہر محمود اشرفی نے کہا کہ مسلم امۃ کا اتحاد ہی عالم اسلام کے مسائل کا حل ہے۔
داعش جیسی تنظیموں کو پیدا کر کے دہشت گردی اور انتہاء پسندی کا تعلق اسلام سے جوڑنے کی کوشش کی گئی ہے جبکہ اسلام امن ، سلامتی، محبت اور رواداری کا درس دیتا ہے ۔ انہوں نے کہا کہ قرآن کریم نے مختلف مذاہب کے ماننے والوں کے ساتھ مسلمانوں کے تعلقات کا ضابطہ طے کر دیا ہے لہذا اسی ضابطہ کے تحت بین المذاہب مکالمہ ممکن ہو سکتا ہے ۔ انہوں نے کہا کہ کسی کے اسلامی نام رکھنے سے وہ اسلام کا نمائندہ نہیں ہو جاتا۔ مسلمانوں کا نمائندہ وہی کہلائے گا جو قرآن و سنت اور سیرت مصطفی صلی اﷲ علیہ وسلم پر عمل کرنے والا ہو گا۔ انہوں نے فرانس میں ہونے والی دہشت گردی کی مذمت کرتے ہوئے کہا کہ دہشت گردوں کیلئے کوئی مقام مقدس نہیں ہے جو دہشت گرد مدینہ منورہ ، سعودی عرب میں حملہ کر سکتے ہیں وہ دنیا میں کہیں بھی حملہ آور ہو سکتے ہیں۔ان دہشت گردوں کے خاتمے کیلئے دنیا کے امن پسندوں کو متحد ہونا ہو گا اور فوری طور پر شام کے مسئلہ کو حل کرنا ہو گا ۔ انہوں نے کہا کہ شام کی عوام پر مسلط جنگ کو روکنا ہوگا اور انہیں جینے کا حق دینا ہو گا۔ انہوں نے کہا کہ پاکستان کی عوام ترکی کی عوام اور حکومت کے ساتھ ہیں اور ترکی کی عوام کی طرف سے بغاوت کی کوششوں کو ناکام بنانے پر مبارکباد پیش کرتے ہیں۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.