”اٹوٹ انگ“، ”کشمیر بنے گا پاکستان“ سے آگے بڑھ کر کشمیریوں کی مرضی پر بولڈ فیصلے کرنا ہونگے‘شجاعت حسین
چیئرمین کشمیر کمیٹی خراٹے لے رہے ہیں ،کشمیر کاز پر کام کرنے کی بجائے وہ پانامہ کے پاجامہ کے پیچھے پڑے ہیں ہماری اپوزیشن کی مفاد اور اناپرستی کیوجہ سے حکومت چل رہی ہے، ترکی میں طیب اردگان کی مسلسل کارکردگی، غریبوں کی خوشحالی اور معاشی مضبوطی رنگ لائی‘ پریس کانفرنس سے خطاب
اتوار 17 جولائی 2016 16:22
لاہور( اُردو پوائنٹ اخبارتازہ ترین - این این آئی۔17 جولائی ۔2016ء) پاکستان مسلم لیگ کے صدر و سابق وزیراعظم چوہدری شجاعت حسین نے کہا ہے کہ پاکستانی حکومت کی طرف سے مقبوضہ کشمیر میں بھارتی مظالم کیخلاف کمزور رویہ قابل مذمت ہے ،پاکستان اور بھارت کے حکمرانوں کو ”کشمیر ہمارا اٹوٹ انگ“ اور ”کشمیر بنے گا پاکستان“ جیسے روایتی بیانات سے آگے بڑھ کر کشمیریوں کی مرضی کے مطابق مسئلہ کے حل کیلئے بولڈ اور جرأتمندانہ فیصلے کرنا ہوں گے، ترکی میں طیب اردگان کی مسلسل بہتر کارکردگی اور اس کے نتیجہ میں غریبوں کی خوشحالی اور معاشی مضبوطی رنگ لائی ہے،ہماری اپوزیشن کی مفاد اور اناپرستی کی وجہ سے حکومت چل رہی ہے ۔
ان خیالات کا اظہار انہوں نے اپنی رہائشگاہ پر پریس کانفرنس کرتے ہوئے کیا ۔(جاری ہے)
چوہدری شجاعت حسین نے کہا کہ 2003ء میں جب طیب اردگان آئے تو ترکی 25 بلین ڈالر کا مقروض تھا، اپنی محنت اور کوشش سے انہوں نے ترکی کے غریبوں کو خوشحالی دی، اکانومی کو بہتر کیا، آئی ایم ایف کو فارغ کیا بلکہ ترکی اب آئی ایم ایف کو قرضہ دیتا ہے۔ انہوں نے کہا کہ بھارتی وزیراعظم من موہن سنگھ کی دعوت پر دورئہ بھارت کے دوران میرے ساتھ ملاقات میں انہوں نے بھی کہا تھا کہ مسئلہ کشمیر کے پرامن حل کیلئے ہمیں بولڈ فیصلے کرنا ہوں گے خواہ وہ فیصلے عوام میں پاپولر نہ ہوں۔
چودھری شجاعت حسین نے کہا کہ حکومت اگر کوئی قرارداد پاس کروانا چاہے تو وہ سات دن میں منظور ہو جاتی ہے مگر کشمیر پر ہم ایک جیسے فقرے بول کر کشمیریوں کو دلاسہ دے رہے ہیں، مقبوضہ کشمیر میں قتل و غارت گری پر ہمارے حکمران گہری نیند سو رہے ہیں جبکہ چیئرمین کشمیر کمیٹی خراٹے لے رہے ہیں اور کشمیر کاز پر کام کرنے کی بجائے وہ پانامہ کے پاجامہ کے پیچھے پڑے ہیں، حکومت کو چاہئے کہ وہ اسلام آباد میں کھانے پینے میں مصروف وزراء کو پوری دنیا میں کشمیر کاز اور بھارت کے مظالم پر لابنگ کیلئے بھیجیں شاید کوئی ہماری بات سن لے۔ چوہدری شجاعت حسین نے کہا کہ وزیراعظم نہرو نے کشمیریوں کو حق خود ارادیت دینے کی جو یقین دہانی کرائی تھی وہ آج تک پوری نہیں ہوئی اور اس مسئلہ پر اقوام متحدہ کی سلامتی کونسل کی قراردادوں کی سیاہی بھی مٹنے کو ہے۔ چوہدری شجاعت حسین نے ایک اور سوال پر کہا کہ ہماری اپوزیشن کی مفاد اور اناپرستی کی وجہ سے حکومت چل رہی ہے، اگر پی این اے کے نو ستارے حکومت کے خلاف کامیاب ہوئے تھے تو اب بھی اتحاد سے کامیابی مل سکتی ہے۔ نوازشریف کی بیماری کے بارے میں سوال پر انہوں نے کہا کہ وہ ماشاء اللہ صحت یاب ہو گئے ان کیلئے گلدستہ بھیجا تھا اور خیریت بھی دریافت کی تھی۔ انہوں نے کہا کہ الیکشن کمیشن کیلئے صاف اور باکردار ارکان نہ چنے گئے اور اپوزیشن جماعتیں اگر ایک نہ ہوئیں تو آئندہ الیکشن میں ایک بار پھر 2013ء جیسی دھاندلی ہو گی۔متعلقہ عنوان :
مزید اہم خبریں
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
-
وزیراعظم کی وزیراعلی سندھ کو صوبے کے مالی مسائل حل کرنے کی یقین دہانی
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.