رواں مالی سال کے سالانہ ترقیاتی پروگرام کے تحت پن بجلی کی سکیموں پر ایک کھرب 63 ارب خرچ کئے جائیں گے

ملک کو لوڈ شیڈنگ سے نجات دلانے کے لئے مالی سال 2016-17ء کے سالانہ ترقیاتی پروگرام میں بجلی کے شعبہ کو اولین ترجیح دی گئی

اتوار 17 جولائی 2016 13:41

اسلام آباد (اُردو پوائنٹ اخبارتازہ ترین - این این آئی۔17 جولائی ۔2016ء) ملک کو لوڈ شیڈنگ سے نجات دلانے کے لئے مالی سال 2016-17ء کے سالانہ ترقیاتی پروگرام میں بجلی کے شعبہ کو اولین ترجیح دی گئی ٗ پن بجلی کی سکیموں پر مجموعی طور پر ایک کھرب 63 ارب 45 کروڑ 80 لاکھ روپے خرچ کئے جائیں گے۔وزارت پانی وبجلی کے اعداد شمار کے مطابق دیامر ۔ بھاشا ڈیم کی تعمیر کے لئے 14 ارب روپے، دیامر ۔

(جاری ہے)

بھاشا ڈیم منصوبے کی لاٹ 1 سے 5 تک کے لئے 18 ارب 36 کروڑ روپے، داسو ہائیڈرو پاور پراجیکٹ کے لئے 42 ارب 17 کروڑ 70 لاکھ روپے، منگلا ہائیڈرو ٹریننگ انسٹیٹیوٹ کے لئے 6 کروڑ 70 لاکھ روپے، گولن گول ہائیڈرو پاور پراجیکٹ کے لئے 2 ارب 72 کروڑ 90 لاکھ روپے، خیال خواڑ ہائیڈرو پاور پراجیکٹ کے لئے 3 ارب 3 کروڑ 80 لاکھ روپے، نیلم ۔ جہلم ہائیڈرو پاور پراجیکٹ کے لئے 61 ارب 45 کروڑ 30 لاکھ روپے، منگلا پاور سٹیشن کی اپ گریڈیشن کے لئے 3 ارب 99 کروڑ 50 لاکھ روپے، تربیلا فور توسیعی منصوبے کے لئے 16 ارب 48 کروڑ 70 لاکھ روپے، تھاکوٹ ہائیڈرو پراجیکٹ کے لئے 33 کروڑ روپے، ورسک ہائیڈرو الیکٹرک پاور سٹیشن کی بحالی کے لئے 45 کروڑ 70 لاکھ روپے، چترال ہائیڈرل پاور سٹیشن کے لئے 7 کروڑ روپے اور کرم پاور ہاؤس کی اپ گریڈیشن کے لئے 10 کروڑ روپے مختص کئے گئے ہیں۔

متعلقہ عنوان :