بون میر و ٹرانسپلانٹ سینٹر تکمیل کے آخری مراحل
محمد علی منگل 12 جولائی 2016 20:13
لاہور(اْردو پوائنٹ اخبارتازہ ترین-انٹرنیشنل پریس ایجنسی12 جولائی ۔2016ء ) خون کے سرطان میں مبتلا بچوں کو بون میرو ٹرانسپلانٹ کی سہولت فراہم کرنے کے لئے وزیر اعلی پنجاب محمد شہباز شریف کی ہدایت پر چلڈرن ہسپتال لاہور میں 237 ملین روپے سے قائم کیاجانے والا بون میر و ٹرانسپلانٹ سینٹر تکمیل کے آخری مراحل میں ہے اور امید ہے کہ آئندہ ماہ کے آخر تک وزیر اعلی پنجاب اس سینٹر کا باقاعدہ افتتاح کریں گے -یہ بات مشیر وزیر اعلی پنجاب برائے صحت خواجہ سلمان رفیق نے آج یہاں بون میرو ٹرانسپلانٹ سینٹر کو آپریشنل کرنے کے سلسلہ میں اقدامات کا جائزہ لینے کے لئے اجلاس کی صدارت کرتے ہوئے کہی-اجلاس میں ڈین چلڈرن ہسپتال پروفیسر مسعود صادق ، پراجیکٹ ڈائریکٹر بون میرو ٹرانسپلانٹ سینٹر پروفیسر ڈاکٹر طاہر شمسی ، میڈیکل ڈائریکٹر چلڈرن ہسپتال پروفیسر احسن وحید راٹھور ، پروفیسر آف پیتھالوجی جناح ہسپتال پروفیسر فوزیہ اشرف ،پروفیسر محفوظ الرحمن ، ڈاکٹر ناصر عباس ، ڈائریکٹر پنجاب بلڈ ٹرانسفیوژن اتھارٹی ڈاکٹر افتخار حسین، ایڈیشنل سیکرٹری ہیلتھ ٹیکنیکل ڈاکٹر سلمان شاہد اور دیگر افسران نے شرکت کی -پروفیسر احسن وحید راٹھور نے بتایا کہ بون میرو ٹرانسپلانٹ سینٹر کے لئے ڈاکٹرز اور نرسز کی تربیت انسٹی ٹیوٹ آف بلڈ ڈیزیز کراچی سے مکمل ہو گئی ہے - انہوں نے بتایا کہ معمولی نوعیت کا سول ورکس آئندہ دو ہفتوں کے دوران مکمل کر لیا جائے گا اور بائیو میڈیکل آلات کی تنصیب شروع کر دی جائے گی - اس موقع پر پراجیکٹ ڈائریکٹر بون میرو ٹرانسپلانٹ سینٹر اور پروفیسر آف ھیماٹولوجی و بون میرو ٹرانسپلانٹ کراچی ڈاکٹر طاہر شمسی نے کہا کہ یہ منصوبہ پایہ تکمیل کو پہنچنے والا ہے انہوں نے بتایا کہ ابتداء میں گنجائش کے مطابق سالانہ 20بون میرو ٹرانسپلانٹ کے آپریشن کئے جائیں گے بعد ازاں اس سینٹر کی گنجائش بڑھائی جائے گی - خواجہ سلمان رفیق نے ہدایت کی کہ آخری مراحل کے کاموں کو مکمل کرنے کے لئے تیزی سے اقدامات کئے جائیں اور انہیں اس سلسلے میں مطلاع رکھا جائے - مشیر صحت کا کہنا تھا کہ بون میرو ٹرانسپلانٹ سینٹر کا قیام خون کے امراض میں مبتلا بچوں کے لئے وزیر اعلی محمد شہباز شریف کا نادر تحفہ ہو گا -انہوں نے کہا کہ اس سینٹر میں بچوں کے مفت آپریشن ہوں گے-
متعلقہ عنوان :
مزید مقامی خبریں
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
-
اثریہ بوائز سکول اینڈ کالج جہلم میں سالانہ نتائج وتقسیم انعامات کی تقریب کا انعقاد ، جس میں طلباء کو اچھی کارکردگی دکھانے پر انعامات دیئے گئے
-
ایس اینڈ پی گلوبل پاکستان میں خواتین کی ترقی کے لئے سرمایہ کاری کیلئے پر عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.