رواں ہفتے کے دوران مزید بارشیں ہوں گی،ندی نالوں میں طغیانی ، اربن فلڈنگ اور لینڈسلائنڈنگ کا خدشہ ہے،محکمہ موسمیات
منگل 12 جولائی 2016 14:33
اسلام آباد ۔ 12 جولائی (اُردو پوائنٹ اخبارتازہ ترین - اے پی پی۔12 جولائی۔2016ء) رواں ہفتے کے دوران ملک کے مختلف علاقوں میں مزید مون سون کی بارشیں ہوں گی، اس دوران موسلا دھار بارش کے باعث خطرے سے دوچارعلاقوں کے ندی نالوں میں طغیانی جبکہ اربن فلڈنگ اور لینڈسلائنڈنگ کا بھی خدشہ ہے۔ دریں اثناء تیز بارشوں اور اس کے نتیجے میں سیلابی صورتحال کے خدشہ کے پیش نظر تمام متعلقہ اداروں کو الرٹ کر دیا گیا ہے۔
محکمہ موسمیات کے مطابق آئندہ 24گھنٹوں کے دوران راولپنڈی اسلام آباد کے علاوہ میرپورخاص، حیدرآباد ڈویژن میں اکثر مقامات پر جبکہ کراچی، گوجرانوالہ، لاہور، سرگودھا، قلات، نصیر آباد، ژوب، مکران ڈویژن اور کشمیر میں کہیں کہیں تیز ہواوٴں/آندھی اور گرج چمک کے ساتھ بارش کا امکان ہے۔(جاری ہے)
اس دوران چند مقامات پر موسلادھار بارش کا بھی امکان ہے۔
خیبرپختونخوا، بالائی سندھ اور جنوبی پنجاب میں چند مقامات پر تیز ہواوٴں/آندھی اور گرج چمک کیساتھ بارش کا امکان ہے۔ آئندہ 48گھنٹوں کے دوران زیریں سندھ ( کراچی، حیدرآباد ڈویژن)،شمالی بلوچستان (قلات، ژوب، نصیر آباد ڈویژن)، اسلام آباد سمیت بالائی پنجاب (راولپنڈی، گوجرانوالہ، لاہور، سرگودھا، فیصل آباد ڈویژن)، خیبرپختونخوا، گلگت بلتستان اور کشمیر میں کہیں کہیں تیز ہواوٴں/آندھی اور گرج چمک کیساتھ بارش جبکہ چند مقامات پر موسلادھار بارش کا امکان ہے۔ جنوبی پنجاب(ملتان، ڈی جی خان، بہاولپور ڈویژن) میں چند مقامات پر تیز ہواوٴں/آندھی اور گرج چمک کیساتھ بارش کا امکان ہے۔ موسلا دھار بارش کے باعث خطرے سے دوچارعلاقوں کے ندی نالوں میں طغیانی جبکہ اربن فلڈنگ اور لینڈسلائنڈنگ کا خدشہ ہے۔ گزشتہ24گھنٹوں کے دوران ملک کے بیشتر علاقوں میں موسم گرم اور مرطوب رہا۔ تاہم راولپنڈی، لاہور، سرگودھا، ملتان، مالاکنڈ، ہزارہ اور ڈی آئی خان ڈویژن میں چند مقامات پر تیز ہواوٴں/آندھی اور گرج چمک کیساتھ بارش ہوئی۔سب سے زیادہ بارش خیبرپختونخوا میں ڈی آئی خان24، کاکول17، پنجاب میں لاہور(سٹی)22، قصور18، سرگودھا (سٹی12، ائیرپورٹ07)، مری07، چکوال05 اور ملتان کے مقام پر 02ملی میٹر بارش ریکارڈ کی گئی۔ دریں اثناء ہنگامی صورتحال سے نمٹنے کے تمام اداروں کو بارشوں اور سیلابی صورتحال سے نمٹنے کے لئے الرٹ رکھنے کی ایڈوائزری جاری کی گئی ہے۔ متعلقہ اداروں سے کہا گیا ہے کہ رواں مون سون سیزن کے دوران آبی ذخائر، دریاؤں اور ندی نالوں کی مانیٹرنگ کی جائے اور کسی بھی ہنگامی صورتحال سے نمٹنے کے لئے تمام وسائل بروئے کار لائے جائیں۔ اس سلسلے میں ممکنہ خطرے سے دوچار علاقوں کی آبادیوں کو موسم کی صورتحال سے آگاہی دینے کیلئے ایس ایم ایس کے علاوہ پیغام رسانی کے دیگر ذرائع کو بروئے کار لانے کی بھی ہدایت کی گئی ہے۔ علاوہ ازیں ریسکیو و ریلیف کے ساتھ ساتھ امدادی سامان کی مقامی سطح پر دستیابی کو یقینی بنانے کے لئے بھی اقدامات کئے جا رہے ہیں۔متعلقہ عنوان :
مزید اہم خبریں
-
وزیراعظم سے یورپی یونین کی سفیر کی ملاقات
-
وزیراعظم محمد شہباز شریف سے پاکستان میں یورپی یونین کی سفیر کی ملاقات
-
وزیرِ اعظم کی زیرِ صدارت بجلی شعبے کے حوالے سے اقدامات کے جائزے پر اعلی سطحی اجلاس کا دوسرا دور، بجلی کے ترسیلی نظام پر بریفنگ
-
سیاسی قیادت، اداروں، سول سوسائٹی اور نوجوانوں کی صلاحیتوں پر پورا اعتماد ہے،درپیش چیلنجز سے نمٹ سکتے ہیں ، صدر زرداری
-
پاکستان کو بے گناہ فلسطینیوں کے قتل ، اسرائیلی فوج کی جانب سے بڑے پیمانے پر نسل کشی پر گہری تشویش ہے، آصف علی زر داری
-
بھارت 5 اگست 2019 اور اس کے بعد لیے گئے تمام غیر قانونی اقدامات واپس لے ، آصف زر داری
-
چین پاکستان اقتصادی راہداری کی تکمیل سمیت مشترکہ اہداف کے فروغ کیلئے چین کے ساتھ کام کرتے رہیں گے، صدر مملکت
-
صدر کا مشکل وقت میں پاکستان کا ساتھ دینے پر دوست ممالک بالخصوص سعودی عرب، متحدہ عرب امارات، چین، ترکی اور قطر کا شکریہ
-
دہشتگردی کا عفریت پھر اپنا گھناؤنا سر اٹھا رہا ہے، پڑوسی ممالک سے دہشتگرد گروہوں کا سختی سے نوٹس لینے کی توقع ہے ، صدر زر داری
-
پاکستان میں حج آپریشن کے آغاز کی تاریخ کا اعلان
-
سعد رفیق نے ’ایکس‘ پر پابندی ختم کرنے کا مطالبہ کردیا
-
ٹی ایل پی سے معاہدہ پہلے ہوا اور وزیراعظم کو بعد میں دکھایا گیا،احسن اقبال کا نیا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.