اب تک 4لاکھ پاکستانیوں نے قومی شناختی کارڈز کی تصدیق کے لئے ایس ایم ایس کئے ہیں ، مختلف خاندانوں میں غیر متعلقہ افراد کو شامل کرنے سے متعلق 13 ہزار شکایات موصول ، ایک تہائی شکایات درست قرار پائی ہیں

نادرا کے حکام کی وفاقی وزیر داخلہ کو شناختی کارڈز کی دوبارہ تصدیق کے حوالے سے بریفنگ تصدیقی مہم میں شہریوں کی دلچسپی خوش آئند ہے ، یہ مہم ایک قومی فریضہ ہے ،شہری غیر ملکیوں کو جاری شناختی کارڈز کی اطلاع دیں ،شناختی کارڈز کی تصدیق کا عمل ہر حال میں مقررہ وقت میں پورا ہونا چاہیے ، چوہدری نثار علی خان کا اجلاس سے خطاب

پیر 11 جولائی 2016 20:56

اسلام آباد(اُردو پوائنٹ اخبارتازہ ترین - آئی این پی۔11 جولائی ۔2016ء ) نادرا کی طرف سے وفاقی وزیر داخلہ چوہدری نثار علی خان کو بتایا گیا ہے کہ اب تک 4لاکھ پاکستانیوں نے قومی شناختی کارڈز کی تصدیق کے لئے ایس ایم ایس کئے ہیں جبکہ مختلف خاندانوں میں غیر متعلقہ افراد کو شامل کرنے سے متعلق 13 ہزار شکایات موصول ہوئی ہیں ان میں سے ایک تہائی شکایات درست قرار پائی ہیں ،وزیر داخلہ چوہدری نثار نے شناختی کارڈز کی تصدیق کی مہم میں شہریوں کی دلچسپی کو خوش آئندقرار دیتے ہوئے کہا ہے کہ یہ مہم ایک قومی فریضہ ہے ،شہری غیر ملکیوں کو جاری شناختی کارڈز کی اطلاع دیں ،شناختی کارڈز کی تصدیق کا عمل ہر حال میں مقررہ وقت میں پورا ہونا چاہیے، پیر کو یہاں وزیر داخلہ چوہدری نثار علی خان کی زیر صدارت اہم اجلاس ہو ا، جس میں چیئر مین نادرا کی طرف سے قومی شناختی کارڈز کی دوبارہ تصدیق کی مہم پر تفصیلی بریفنگ دی گئی ، چیئر مین نادرا نے بتایا کہ نادرا کی طرف سے شہریو ں کو قومی شناختی کارڈز کی تصدیق کے لئے ابھی ایس ایم ایس نہیں کیا گیا لیکن4 لاکھ شہریوں نے ازخود نادرا کی طرف سے قائم کر دہ ہیلپ لائن پر ایس ایم ایس کر کے اپنے خاندانوں کے شناختی کارڈز کی تصدیق کر لی ہے ، نادرا کو مختلف خاندانوں میں غیر متعلقہ افراد کو شامل کرنے کی 13 ہزار شکایات موصول ہوئی ہیں اور ان میں سے ایک تہائی شکایات درست ہیں، انہوں نے بتایا کہ نادرا کی ہیلپ لائن پر غیر ملکیوں کو جاری کردہ شناختی کارڈز سے متعلق بھی شکایات موصول ہو رہی ہیں جو حوصلہ افزا ہیں ابتک غیرملکیوں کے 50 کیس نادرا کے ویجیلینس سیل کو دوبارہ تصدیق اور سکروٹنی کے لیے بھجوائے گئے ہیں، اس موقع پر وزیر داخلہ نے چیئر مین نادرا کو ہدایت کی کہ شناختی کارڈز کی تصدیق کا کام مقررہ مدت میں مکمل ہونا چاہیے ، شناختی کارڈز کی تصدیق کے عمل میں شہریوں کی دلچسپی خوش آئندہ اور حوصلہ افزا ہے، اس مہم میں میڈیا کا کر دار بھی قابل ستائش ہے ، انہوں نے کہا کہ شناختی کارڈز کی دوبارہ تصدیق کا عمل مشکل ضرور ہے لیکن یہ قومی سلامتی کے لئے انتہائی اہم ہے اور اس کی تکمیل میں کسی قسم کی رکاوٹ نہیں آنے دی جائے گی کیونکہ یہ ملکی سلامتی کا معاملہ ہے ، انہوں نے چئیر مین نادرا کو ہدایت کی کہ غیر ملکیوں سے متعلق نادرا کے سنٹرز یا ٹیلی فون کال کے ذریعے اطلاع دینے والوں کے نام صیغہ راز میں رکھے جائیں ۔

متعلقہ عنوان :