حکومت عبد الستار ایدھی کونشان پاکستان ،آٹھ جولائی کے دن کو سرکاری سطح پر انکے نام سے منانے کا اعلان کرے ‘ جمشید چیمہ
آج صرف پاکستانی قوم ہی نہیں عالمی ادارے بھی عبد الستار ایدھی کی انسانیت کے خدمات کو خراج عقیدت پیش کررہے ہیں تحریک انصاف کے رہنما کی طرف سے عبد الستار ایدھی کی روح کے ایصال ثواب کیلئے فتح گڑھ میں قرآن خوانی کا اہتمام
پیر 11 جولائی 2016 17:59
لاہور( اُردو پوائنٹ اخبارتازہ ترین - این این آئی۔11 جولائی ۔2016ء) پاکستان تحریک انصاف کے مرکزی رہنما جمشید اقبال چیمہ کی طرف سے معروف سماجی رہنما عبد الستار ایدھی کی روح کے ایصال ثواب کیلئے قرآن خوانی کا اہتمام کیا گیا جبکہ اس موقع پر مرحوم کی انسانیت کیلئے خدمات کو بھرپور الفاظ میں خراج عقید ت بھی پیش کیا گیا ۔فتح گڑھ میں تحریک انصاف کے این اے 124کے مرکزی دفتر میں منعقدہ تقریب میں جمشید اقبال چیمہ ،مسرت جمشید چیمہ ،ایاز عمران، حاجی امداد حسین، اصر بٹ،میاں افتخار،حاجی صادق،خالد بٹ ،عبد الرحمن سمیت رہنماؤں ،کارکنوں اور عوام کی کثیر تعداد نے شرکت کی ۔
قرآن خوانی کے بعد اجتماعی دعا بھی کرائی گئی جس میں عبد الستار ایدھی کے درجات کی بلندی اور انکے اہل خانہ کیلئے صبر جمیل کی دعا کی گئی۔(جاری ہے)
اس موقع پر ظہار خیال کرتے ہوئے جمشید اقبال چیمہ نے کہا کہ عبد الستار ایدھی قوم کا اثاثہ تھے ۔قوم ان کی خدمات کو کبھی فراموش نہیں کر سکے گی ۔ انہوں نے کہا کہ عبد الستار ایدھی تن تنہا ہزاروں بے سہارا افراد کا سہارا بنے ۔
ان کی خدمات کو خراج عقیدت پیش کرنے کا یہی بہترین طریقہ ہے کہ ان کے مشن کو آگے بڑھایا جائے اور اسکے لئے ہر شخص اپنا انفرادی اور اجتماعی کردار ادا کرے ۔انہوں نے کہا کہ آج صرف پاکستانی قوم ہی نہیں بلکہ عالمی ادارے بھی عبد الستار ایدھی کی انسانیت کے خدمات کو خراج عقیدت پیش کررہے ہیں ۔ انہوں نے کہا کہ حکومت عبد الستار ایدھی کی خدمات کے اعتراف میں ’’نشان پاکستان ‘‘ دینے اور آٹھ جولائی کے دن کو سرکاری سطح پر ’’عبد الستار ایدھی ‘‘ کے طور پر منانے کا اعلان کرے ۔ اس موقع پر مسرت جمشید چیمہ نے کہا کہ عبد الستار ایدھی فخر انسانیت ہیں انہیں جتنا بھی خراج عقیدت پیش کیا جائے وہ کم ہے ۔ انہوں نے اس عزم کا اعادہ کیا کہ عبد الستار ایدھی کے مشن کو آگے لے کر جانے کے لئے ہر ممکن ساتھ دیا جائے گا۔متعلقہ عنوان :
مزید اہم خبریں
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
-
عمران خان اور بشریٰ بی بی کےخلاف انتقام کی انتہا کردی گئی،سینیٹر علی ظفر
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
عمران خان نے2 ججوں کی یقین دہانی پر اپنا دھرنا ختم کیا،فیصل واوڈا کا انکشاف
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.