مئی میں شرح سود میں کمی کے فیصلے سے سرمایہ کار بھی حیران

جمعہ 8 جولائی 2016 18:00

کراچی(اُردو پوائنٹ تازہ ترین اخبار۔8 جولائی- 2016ء) مہنگا روپیہ بھی ایکسپورٹ میں گراوٹ کا سبب بن رہا ہے ، مہنگائی زور پکڑ جانے کے باوجود مئی میں شرح سود گھٹانے کے فیصلے نے انویسٹرز کو حیران کر دیا۔ آئی ایم ایف مشن چیف ہیرلڈ فنگر نے سٹیٹ بینک کی خودمختاری پر بھی سوال اٹھا دیئے۔

(جاری ہے)

بین الاقوامی خبر رساں ادرے کو انٹرویو دیتے ہوئے آئی ایم ایف مشن چیف ہیرلڈ فنگر نے بتایا کہ پاکستانی روپیہ اپنی اصل قدر سے 5 سے 20 فیصد تک مہنگا ہے ، دوسری جانب توانائی کی قلت اور امن و اماں کے خدشات کے علاوہ بین الاقوامی منڈی میں اجناس کی گرتی قیمتیں بھی ایکسپورٹس کے لیے چیلنج ہیں۔

ہیرلڈ فنگر کا کہنا تھا کہ مہنگائی زور پکڑ جانے کے باوجود مئی میں شرح سود میں کمی نے سرمایا کاروں کو حیران کر دیا ایسے فیصلوں سے مرکزی بینک کی خودمختاری بڑھانے جیسے اقدامات پر سوالیہ نشان پیدا ہو رہا ہے۔ ان کا کہنا تھا کہ خسارے میں چلنے والے اداروں کی نجکاری کے شیڈول میں بھی حکومت کو تاخیر کا سامنا کرنا پڑ سکتا ہے۔

متعلقہ عنوان :