امریکی نمائندہ خصوصی رچرڈ اولسن دو روزہ دورے پر اسلام آباد پہنچ گئے

ہفتہ 2 جولائی 2016 14:49

اسلام آباد (اُردو پوائنٹ اخبارتازہ ترین - این این آئی۔02 جولائی ۔2016ء) امریکی نمائندہ خصوصی برائے پاکستان و افغانستان رچرڈ اولسن دو روزہ دورے پر اسلام آباد پہنچ گئے ہیں ۔ذرائع کے مطابق رچرڈ اولسن وزیر خزانہ اسحاق ڈار اور سیکرٹری خارجہ اعزاز احمد چودھری سے ملاقاتیں کریں گے ۔

(جاری ہے)

رچرڈ اولسن سینیٹر جان مکین کی سربراہی میں امریکی وفد کی سیاسی و عسکری قیادت سے ملاقاتوں میں بھی موجود ہونگے ۔ وفد اتوار کو آرمی چیف جنرل راحیل شریف اور مشیر خارجہ سرتاج سے ملاقاتیں کرے گا جن میں پاک امریکا تعلقات اور خطے کی سیکورٹی صورتحال سے متعلق امور پر بات چیت کی جائے گی ۔ دورہ پاکستان مکمل کرنے کے بعد امریکی وفد افغانستان روانہ ہو جائے گا۔