ترکی میں دہشتگردی کا واقعہ قابل مذمت ہے ، پاکستان افغان مہاجرین کی باضابطہ واپسی چاہتا ہے۔ نفیس زکریا
افغان مہاجرین کے پاکستان میں قیام کی مدت کو 31دسمبر تک بڑھا دیا گیا ہے۔پاکستان ممبئی حملوں کی تحقیقات کو جلد از جلد منطقی انجام پر پہنچانے کا خواہشمند ہے۔پاک امریکہ تعلقات کو ایف 16 کے تناظر میںنہیںدیکھا جانا چاہئیے۔پاکستان نیوکلئیر سپلائر گروپ میںشمولیت کے لیے کوششیںجاری رکھے گا۔ ترجمان دفتر خارجہ نفیس زکریا کی میڈیا کو ہفتہ وار بریفنگ
سمیرا فقیرحسین جمعرات 30 جون 2016 13:12
اسلام آباد(اُردو پوائنٹ تازہ ترین اخبار۔30 جون 2016ء) : ترجمان دفتر خارجہ نفیس زکریا کا کہنا ہے کہ ترکی میں ہونے والے حملے میں جانی نقصان پر بہت افسوس ہوا۔ پاکستان ہر قسم کی دہشتگردی کی مذمت کرتا ہے۔ ان کا کہنا تھا کہ شنگھائی تعاون تنظیم میں پاکستان کی شمولیت خارجہ پالیسی کی کامیابی ہے۔ میڈیا کو ہفتہ وار بریفنگ دیتے ہوئے ترجمان دفتر خارجہ نفیس زکریا نے کہا کہ پاک بھارت مسائل کا حل مذاکرات ہے۔
ترجمان کے مطابق پاکستان بھارت کے ساتھ مذاکرات کے لیے تیار ہے۔نریندر مودی کے بیان پر رد عمل کا اظہار کرتے ہوئے ترجمان دفتر خارجہ کا کہنا تھا کہ ملک کی سول اور ملٹری قیادت میں ہم آہنگی ہے۔ پاکستانی عوام کو بھی اپنی افواج پر فخر ہے۔ ہماری مسلح افواج جمہوری عمل کی حامی ہیں۔(جاری ہے)
ترجمان نے کہا کہ پاکستان افغان مہاجرین کی با ضابطہ واپسی چاہتا ہے۔
مہاجرین کی واپسی کے لیے افغان حکومت اور اقوام متحدہ کے ساتھ سنجیدہ مذاکرات کے خواہشمند ہیں۔ترجمان نے بتایا کہ افغان مہاجرین کی پاکستان میں قیام کی مدت کورواں برس 31دسمبر تک بڑھا دیا گیا ہے۔ممبئی حملوں سے متعلق بھارت سے مزید ثبوت مانگے ہیں۔ سیکرٹری خارجہ نے مزید ثبوت فراہم رکنے کے لیے بھارت کو خط لکھا ہے، لیکن بھارت کی جانب سے تاحال خط کا کوئی جواب نہیں دیا گیا۔ ترجمان کا کہنا تھا کہ ممبئی حملوں کی تحقیقات کو جلد ازجلد منطقی انجام تک پہنچانے کا ارادہ رکھتے ہیں۔ انہوں نے کہا کہ امریکی سینیٹر جان مکین جلد ہی پاکستان کا دورہ کریں گے۔کلبھوشن یادیو سے تاحال تحقیقات جاری ہیں۔ ایف 16طیاروں کی فراہمی پر امریکہ نے ابتدائی منظوری دی تھی لیکن ایف 16طیاروں کی فنانسنگ کے معاملے پر مسائل تھے ۔ پاک امریکہ تعلقات کو ایف16کے تناظر میں نہیں دیکھنا چاہئیے۔ ایف 16طیاروں سے پاکستان کی ہدف کو نشانہ بنانے کی صلاحیت میںمزید اضافہ ہو گا۔ انہوں نے کہا کہ پاکستان نیوکلئیر سپلائر گروپ میں شمولیت کے لیے اپنی کوششوں کو جاری رکھے گا۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.