ڈائریکٹر جنرل جنگلی حیات و پارکس پنجاب خالد عیاض خا ن کی زیر صدارت اجلاس
محکمہ جنگلی حیات اور ورلڈ وائیڈفنڈ فار نیچر جوائنٹ وینچر کے تحت ائیر پورٹس پر انفارمیشن کاؤنٹرز قائم کرینگے محکمہ جنگلی حیات ، ورلڈ وائیڈفنڈ فار نیچر اور سول ایوی ایشن اتھارٹی میں جلد مفاہمت کی یاداشت پر دستخظ ہو جائینگے
بدھ 29 جون 2016 18:34
لاہور(اُردو پوائنٹ اخبارتازہ ترین - این این آئی۔29 جون ۔2016ء ) محکمہ جنگلی حیات اور ورلڈ وائیڈفنڈ فار نیچر نے جوائنٹ وینچر کے تحت علامہ اقبال انٹر نیشنل ائیر پورٹ لاہور اور بے نظیرانٹرنیشنل ائیر پورٹ اسلام آباد میں عوام آگہی کیلئے وائلڈلائف انفارمیشن ڈیسک قائم کرنے کا فیصلہ کیا ہے۔محکمہ جنگلی حیات وپارکس پنجاب ، ورلڈ وائیڈفنڈ فار نیچر اور سول ایوی ایشن اتھارٹی کے درمیان جلد مفاہمت کی یاد اشت پر دستخط ہو جائینگے۔
اس امر کا فیصلہ یہاں ڈائریکٹر جنرل جنگلی حیات و پارکس پنجاب خالد عیاض خان کی زیر صدارت جنگلی حیات کے تحفظ بارے عوام میں شعور اجاگر کرنے اور اس کی سمگلنگ کے خاتمے کیلئے بلائے گئے اجلاس میں کیا گیا، جس میں محکمہ کے افسران کے علاوہ ورلڈ وائیڈفنڈ فار نیچر کے اعلیٰ حکام بھی موجود تھے ۔(جاری ہے)
انہوں نے کہا کہ جنگلی حیات کی حفاظت اور اسے محفوظ بنانا وقت کی اہم ترین ضرورت اور محکمہ کی اولین ترجیح ہے ۔
پہلے مرحلے میں یہ کاؤنٹرز علامہ اقبال انٹرنیشنل ائیر پورٹ لاہور اور بینظیر انٹرنیشنل ائیر پورٹ اسلام آباد پر قائم کئے جائیں گے جبکہ دوسرے مرحلے میں فیصل آباد ائیر پورٹ پر بھی انفارمیشن کاؤ نٹرکھولا جائے گا ۔خالد عیاض خان نے کہا ہے کہ یہ کاؤنٹرز جنگلی حیات کے تحفظ کیلئے عوام میں آگہی پیداکرنے کے ساتھ ساتھ جنگلی حیات کی سمگلنگ کی روک تھام میں بھی موثر کردار ادا کریں گے۔ انہوں نے کہا کہ ان کاؤنٹرزپر محکمہ جنگلی حیات کاانسپکٹر کے عہدے کانمائندہ ہمہ وقت موجود ہوگا جبکہورلڈ وائیڈفنڈ فار نیچر بھی اپنا نمائندہ مقرر کریگا ۔ انہوں نے کہا کہ قبل ازیں سول ایوی ایشن حکام نے محکمہ جنگلی حیات کو صر ف کارگو ایریا تک رسائی دی تھی جس سے مطلوبہ مقاصد حاصل نہ ہونے پر ائیر پورٹس کے اندر کاؤنٹرزقائم کرنے کا فیصلہ کیا گیا ہے۔ انہوں نے کہا کہ ان کاؤنٹرز پر جنگلی حیات بارے عوام آگہی کیلئے پمفلٹس ، بروشرزاوردیگرمعلومات فراہم کی جائیں گی،انہوں نے بتایا کہ محکمہ جنگلی حیات کی طرف سے بے نظیر انٹر نیشنل اےئر پورٹ اسلام آباد کیلئے ڈپٹی ڈائریکٹروائلڈ لائف محمد انور مان جبکہ علامہ اقبال انٹر نیشنل اےئر پورٹ لاہور کیلئے عبدالشکور منج کوفوکل پرسن مقرر کیاجائے گا ۔متعلقہ عنوان :
مزید اہم خبریں
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.