برطانیہ کی یورپی یونین سے علیحدگی کی مہم کے لیڈر جریمی کربین پر لیبرپارٹی نے عدم اعتماد کا اظہار کردیا
برطانوی پارلیمنٹ میں اپوزیشن لیڈرپارلیمنٹ میں لیبرپارٹی کے 172منتخب اراکین میں سے صرف40کی حمایت حاصل کرنے میں کامیاب ہوسکے
میاں محمد ندیم بدھ 29 جون 2016 17:28
لندن(اردو پوائنٹ اخبارتازہ ترین-انٹرنیشنل پریس ایجنسی۔29جون۔2016ء) برطانوی پارلیمنٹ میں حزب اختلاف کی جماعت نے اپنے راہنماءجریمی کربین پر عدم اعتماد کا اظہار کردیا ہے-جریمی کربین یورپی یونین سے علیحدگی کی مہم کے سرکردہ لیڈر تھے اور انہی کی ”مہم جوئی“سے برطانیہ یورپ میں تنہا رہ گیا ہے -تفصیلات کے مطابق لیبرپارٹی کے172ممبران پارلیمنٹ میں سے صرف40اراکین کی حمایت حاصل کرپائے تاہم ان پر پارٹی کے عدم اعتماد سے اب کچھ حاصل نہیں ہونے والا کیونکہ ریفرنڈم کے نتائج سامنے آنے کے بعد یورپی یونین کے بانی 6رکن ممالک شدید غصے کا اظہار کررہے ہیں ‘ یورپی یونین اور یورپی کمیشن کے صدور نے دوٹوک الفاظ میں برطانیہ سے جلد علیحدگی کی درخواست جمع کروانے کا بھی کہہ دیا ہے اور جرمنی میں ہونے والی 6بانی ممالک کے اجلاس میں طریقہ کار وضح کرکے برطانیہ کو آگاہ کردیا گیا ہے تاہم یونین سے الگ ہونے کے عمل کو مکمل ہونے میں دوسال کا عرصہ لگے گا -جبکہ جرمن چانسلرسمیت یورپی یونین بعض راہنماﺅں کا خیال ہے کہ برطانیہ پر غیرضروری طور پر دباﺅ بڑھانے کی بجائے اسے فیصلہ کرنے کا موقع دیا جائے-ادھر لندن میں اپنی شکست کے بعد اپوزیشن لیڈرجریمی کربین نے کہا ہے کہ ان کی جماعت جمہوری اصولوں پر کاربند ہے اور وہ جماعت کے دستور کا حترام کریں گے-انہوں نے کہا کہ وہ جمہوری طور پر منتخب پارٹی لیڈر ہیں ‘انہوں نے اراکین پارلیمنٹ کی جانب سے بڑے پیمانے پر عدم اعتماد پر بات کرنے کی بجائے پارٹی کی جمہوری اقدار پر بات کی -ادھر برطانوی پارلیمنٹ کے دوتہائی سے بھی زیادہ ممبران نے یورپی یونین چھوڑنے کی مخالفت کی ہے جن میں اپوزیشن جماعت لیبرپارٹی کے اراکین پارلیمنٹ کی بڑی تعداد بھی شامل ہے-اگرچہ اخلاقی اور عددی تعداد کے حساب سے اپوزیشن لیڈر شکست کھا چکے ہیں مگر انہوں نے وزیراعظم ڈیوڈکیمرون کی طرح مستعفی ہونے کا اعلان نہیں کیا-برطانوی ذرائع ابلاغ نے جیریمی کریبین کو کڑی تنقید کا نشانہ بناتے ہوا انہیں ایک ہارا ہوا جواری قرار دیا ہے-لیبرپارٹی کے ترجمان ممبرپارلیمنٹ جان میکڈولنڈنے کہا ہے کہ مسٹرجریمی کہیں نہیں جارہے اور اگر پارٹی کے اندر روبارہ انتخابات ہوئے تو وہ اس میں بھرپورطریقے سے حصہ لیں گے-جریمی کے حامیوں نے شدید ردعمل کا اظہار کرتے ہوئے واضح شکست کو تسلیم کرنے سے انکار کردیا ہے اور کہا ہے کہ محالفین پارٹی کے پلیٹ فارم پر آکر بات کریں-
متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.