الیکشن کمیشن نے انتخابی فہرستوں پر سالانہ نظرثانی کے منصوبہ کی منظوری دیدی
بدھ 29 جون 2016 14:24
اسلام آباد ۔ 29 جون (اُردو پوائنٹ اخبارتازہ ترین - اے پی پی۔29 جون۔2016ء) الیکشن کمیشن نے انتخابی فہرستوں پر سالانہ نظرثانی کے منصوبہ کی منظوری دے دی ہے جس کے مطابق یکم اگست سے 15 اگست تک کمپیوٹرائزڈ قومی شناختی کارڈ کے حامل افراد کے نام فہرستوں میں شامل جبکہ وفات پا جانے والے یا شہریت ترک کرنے والے ووٹروں کے نام فہرست سے خارج کر دیئے جائیں گے۔
الیکشن کمیشن کے ترجمان نے ”اے پی پی“ کو بتایا کہ الیکشن کمیشن کا عملہ ووٹروں کے گھر گھر جا کر انتخابی فہرستوں کی تصدیق کرے گا جبکہ توقع ہے کہ ووٹروں کی مجموعی تعداد 9 کروڑ 30 لاکھ سے بڑھ کر 9 کروڑ 80 لاکھ سے تجاوز کر جائے گی۔ یکم سے 15 اگست تک گھر گھر تصدیق کے بعد 21 اگست تک یہ فہرستیں مختلف جگہوں پر آویزاں کی جائیں گی۔(جاری ہے)
الیکشن کمیشن کا عملہ نئے قومی شناختی کارڈ کے حامل افراد کے مستقل پتوں کا دورہ کر کے ان کی تصدیق کریں گے۔
اس تصدیق کے بعد یہ فہرستیں مختلف ڈسپلے مراکز، ڈسٹرکٹ الیکشن کمیشن کے دفاتر، رجسٹریشن افسران اور اسسٹنٹ رجسٹریشن افسران کے دفاتر میں آویزاں کی جائیں گی تاکہ عوام یہاں اپنے ووٹوں کا جائزہ لے سکیں۔ ڈسپلے مراکز کی تفصیلات میڈیا یا الیکشن کمیشن کی ویب سائیٹ پر جلد جاری کر دی جائیں گی۔ اس کے ساتھ ساتھ عوام کی آگاہی کے لئے وسیع پیمانے پر میڈیا مہم بھی شروع کی جائے گی جبکہ 8300 پر ایس ایم ایس کے ذریعے بھی موبائل فون سے اپنے ووٹ کے بارے میں معلومات لی جا سکیں گی۔ اسی دوران ووٹ کے اندراج، منتقلی، درستگی یا اخراج کے لئے مخصوص فارم پر درخواست جمع کرائی جا سکے گی۔ الیکشن کمیشن نے اس ضمن میں صوبائی الیکشن کمشنرز، ریجنل الیکشن کمشنرز، ڈسٹرکٹ الیکشن کمشنرز، نادرا اور تمام متعلقہ حکام کو ضروری احکامات جاری کر دیئے ہیں۔ سالانہ نظرثانی کے اس منصوبے کی باقاعدہ مانیٹرنگ کی جائے گی۔متعلقہ عنوان :
مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.