کوئٹہ سے کراچی جانیوالی مسافرکوچ ٹائرپھٹنے سے الٹ گئی،2سگے بھائیوں سمیت مسافرجاں بحق،25سے زائدزخمی

خضدار(اُردو پوائنٹ اخبارتازہ ترین - آن لائن۔27 جون ۔2016ء) کوئٹہ سے کراچی جانیوالی مسافر کوچ ٹائر پھٹنیکے باعث الٹ گئی 2 سگے بھائیوں سمیت 14 مسافر جاں بحق جبکہ 25 سے زائد مسافر زخمی ہوگئے زخمیوں کو فوری طورپر خضدار اور بعد میں کراچی منتقل کر دیا گیا تفصیلات کے مطابق پیر کو کوئٹہ سے کراچی جانیوالی مسافر کوچ خضدار سے 30کلو میٹر دور پیر عمر سمان پُل کے مقام پر تیز رفتاری کے باعث پھسلن کے وجہ سے بے قابو ہوکر پُل سے کئی فٹ نیچے جا گِری حادثہ اس قدر شدید تھا کہ گیارہ مسافر موقع پرجاں بحق ہوگئے جبکہ 26مسافر شدید زخمی ہوئے جاں بحق ہونے والوں میں عبدالواسع ولد غلام ولید، محمود خان ولد مجاہد الدین، عبدالظاہر ولد محمد ہاشم ، عبدالباری ولد عبدالمجید ،منصور خان ولد دارو خان، محمد حسین ولد محمد، ثناء اللہ ولد علی محمد ،محمد عمران ولد مجاہد ،محمد ولد فیض محمد ،نیاز احمد ولد فیض محمد ثناء اللہ ولد نور محمد‘نادر علی ‘ سیف اللہ اور عمران شامل ہیں جبکہ زخمیوں میں عبدالودود ،عبدالحبیب،شاہزاد خان،محمد ایاز ،سعد اللہ،نیاز احمد ،مرزا خان،نادر علی،عبدالوہاب،صالح محمد،مشتاق احمد ، عبدالوہاب ،بی بی رحیمہ ،رقیمہ ،رخسانہ ،مصطفی،عبدالصادق،عبدالصمد،سیف اللہ ،ولی محمد ،عرفان اللہ،نواب ،محمد نبی ،محمد علی، عطاء اللہ، نعمت اللہ ،شامل ہیں۔

(جاری ہے)

جاں بحق اور زخمیوں کو ٹیچنگ ہسپتال خضدار پہنچایا گیا جہاں ضروری کاروائی کے بعد نعشیں ورثاء کے حوالے کردی گئیں ۔اور زخمیوں میں اکثر کی حالت تشویشناک بتائی جاتی ہے۔