یمن میں نامعلوم سمت سے فائرکیاگیا بیلسٹک میزائل فضا میں تباہ کردیاگیا
میزائل کوبروقت تباہ کردیاگیا،کوئی جانی نقصان نہیں ہوا،عرب اتحاد کا بیان
بدھ 22 جون 2016 12:30
الریاض (اُردو پوائنٹ اخبارتازہ ترین - این این آئی۔22 جون ۔2016ء) یمن کے وسطی شہر مآرب کی جانب فائر کیا گیا ایک بیلسٹک میزائل ناکارہ بنا دیا گیا ہے۔غیرملکی خبررساں ادارے کے مطابق سعودی عرب کی قیادت میں عرب اتحاد نے ایک بیان میں کہا کہ اس میزائل کو فائر کیے جانے کے فوری بعد تباہ کردیا گیا ہے اور اس سے کوئی نقصان نہیں ہوا ہے۔بیان میں مزید کہا گیا ہے کہ اتحادی فضائیہ نے فوری طور پر میزائل لانچنگ پیڈ کو بھی تباہ کردیا ہے۔
اتحادی فوج نے یہ نہیں بتایا کہ یہ میزائل کس نے فائر کیا تھا۔مآرب پر یمنی صدر عبد ربہ منصور ہادی کی وفادار فورسز کا کنٹرول ہے اور یہ دارالحکومت صنعا سے مشرق میں واقع ہے۔کویت میں یمنی حکومت اور حوثی باغیوں کے درمیان اپریل سے اقوام متحدہ کی ثالثی میں امن بات چیت کے آغاز کے بعد سے تیسری مرتبہ اس طرح میزائل چھوڑا گیا ہے۔(جاری ہے)
کویت میں یمنی فریقوں کے درمیان جاری مذاکرات تیسرے مہینے میں داخل ہوگئے ہیں لیکن ابھی تک ان میں کوئی نمایاں پیش رفت نہیں ہوسکی ہے۔
یمنی حکومت کا وفد ایران کے حمایت یافتہ حوثی باغیوں پر متعدد مرتبہ ان مذاکرات کو سبوتاڑ کرنے کا الزام عاید کرچکا ہے۔یمن میں جنگ بندی کے باوجود مختلف علاقوں میں یمنی فورسز اور حوثی ملیشیا کے درمیان لڑائی بھی جاری ہے۔سعودی عرب نے یمن کے ساتھ واقع سرحدی علاقے میں پیٹریاٹ میزائل بیٹریز نصب کررکھی ہیں تاکہ یمن کی جانب سے فائر کیے جانے والے میزائلوں کو فضا ہی میں ناکارہ بنایا جاسکے۔گذشتہ سوا ایک سال کے دوران یمن کے شمالی صوبوں سے سعودی عرب کے جنوبی سرحدی علاقوں کی جانب متعدد میزائل فائل کیے جاچکے ہیں۔مزید بین الاقوامی خبریں
-
فلسطین کے لئے اقوام متحدہ کی مکمل رکنیت کی قرار داد پر سلامتی کونسل میں ووٹنگ جمعہ کو ہو گی
-
سعودی شہری نے اونٹ کو 500 ریال کا نوٹ بطورعیدی کھلا دیا
-
سعودی خاتون کو گاڑی سے کچلنے والے شہری کو سزائے موت
-
اسکول میں نمازپڑھنے کی اجازت کا معاملہ ، برٹش مسلم طالبہ ہائیکورٹ میں کیس ہارگئی
-
جنوبی لبنان سے شمالی اسرائیل کی طرف 6 میزائل فائر
-
امریکی یونیورسٹی نے ذہین ترین مسلمان طالبہ کی تقریر منسوخ کردی
-
اسرائیل سے معاہدہ ختم کرنے کیلئے گوگل ملازمین کا احتجاج، متعدد گرفتار
-
کینیڈا، حکومت کا پہلی بار حلال مارٹیگیج کا جائزہ لینے کا فیصلہ
-
یو اے ای میں نظام زندگی مفلوج، سوشل میڈیا پر ویڈیوز وائرل
-
دبئی میں طوفانی بارشوں نے 75 سال کا ریکارڈ توڑ دیا
-
ایرانی سفارتخانے پرحملہ ویانا کنونشن کی خلاف ورزی تھی، ترک صدر
-
اس سے پہلے کہ بہت دیر ہو جائے ایران کو روکا جائے، اسرائیل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.