شمالی کوریا کے یکے بعددیگرے دومیزائل تجربات،ایک ناکام
بدھ 22 جون 2016 12:23
ٹوکیو/واشنگٹن/سیئول(اُردو پوائنٹ اخبارتازہ ترین - این این آئی۔22 جون ۔2016ء) شمالی کوریا نے درمیانے درجے تک مار کرنے والے میزائل کے یکے بعد دیگرے 2 تجربات کئے ہیں جس میں ایک ناکام ہوگیا ہے جبکہ جنوبی کوریا اور امریکا نے تجربات کی شدید مذمت کی ہے۔غیر ملکی خبر رساں ادارے کے مطابق جنوبی کوریا کے وزارت دفاع کے حکام نے بدھ کو بتایا کہ شمالی کوریا نے درمیانے درجے تک مار کرنے والے موسوڈان میزائل کے یکے بعد دیگرے 2 تجربات کئے ہیں، دونوں میزائل تجربات مشرقی ساحل کے قریب کئے گئے۔
جنوبی کوریا کے حکام کے مطابق پہلا میزائل تجربہ ناکام رہا اور میزائل صرف 150 کلومیٹر تک ہی جا سکا جب کہ دوسرا میزائل 400 کلو میٹر تک گیا تاہم یہ پتہ نہیں چل سکا کہ یہ تجربات کامیاب رہے یا ناکام۔(جاری ہے)
میڈیا رپورٹس کے مطابق دونوں میزائل امریکی بیس گوام تک اپنے ہدف کو نشانہ بنانے کی صلاحیت رکھتے ہیں۔امریکی محکمہ خارجہ کے ترجمان جان کربی نے شمالی کوریا کی جانب سے میزائل تجربات کی تصدیق کرتے ہوئے اس کی شدید الفاظ میں مذمت کی ہے۔
جان کربی کا کہنا تھا کہ شمالی کوریا کی جانب سے غیر قانونی طریقے سے اپنے جوہری پروگرام کے ذریعے اشتعال انگیزی پھیلانے کے حوالے سے اقوام متحدہ کو اپنے تحفظات سے آگاہ کریں گے تاکہ عالمی برادری پیانگ یانگ کے خلاف ایکشن لے۔ دوسری جانب امریکی محکمہ دفاع کے حکام کے مطابق شمالی کوریا کی جانب سے کئے گئے دونوں تجربات کا جائزہ لے لیا ہے، دونوں میزائل تجربات سے شمالی امریکا کو کوئی خطرہ نہیں ہے۔جاپان کے وزیراعظم شنزو ابے نے بھی شمالی کوریا کے میزائل تجربات کو ناقابل برداشت قرار دیتے ہوئے سیکیورٹی سخت کرنے کا حکم جاری کردیا جس کے بعد فوج نے سڑکوں پر گشت شروع کردی۔واضح رہے کہ شمالی کوریا نے پہلی مرتبہ خود ساختہ تیار کردہ موسوڈان میزایل کا تجربہ 2010 میں فوجی پریڈ کے موقع پر کیا تھا، ایک اندازے کے مطابق موسوڈان میزائل 2500 سے 4 ہزار کلو میٹر تک اپنے ہدف کو نشانہ بنانے کی صلاحیت رکھتا ہے۔ موسوڈان کا چھوٹا میزائل پورے چاپان اور جنوبی کوریا میں اپنے ہدف کو نشانہ بنانے کی صلاحیت رکھتا ہے جب کہ اس کا زیادہ فاصلے تک مار کرنے والا میزائل امریکی اڈے گوام تک ہدف کو نشانہ بنا سکتا ہےمزید بین الاقوامی خبریں
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
-
اقوام متحدہ کا غزہ کےہسپتالوں میں دریافت ہونے والی اجتماعی قبروں بارے شفاف تحقیقات کا مطالبہ،امریکا نے بھی اسرائیل سے معلومات طلب کرلیں
-
بھارتی میڈیا مسائل اجاگر کرنے کے بجائے مودی کے گن گاتا ہے، راہول گاندھی
-
ٹرمپ سے عالمی رہنمائوں کی ملاقاتوں پر بائیڈن انتظامیہ پریشان
-
11 سال سے زائد افغان لڑکیاں تعلیم سے محروم ہیں، برطانوی اخبار
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
تیسری بار اقتدار میں آنے کیلئے مودی کی مسلمانوں کیخلاف ہرزہ سرائی جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.