کمشنر کراچی کا مختلف علاقوں کاد ورہ، صدر امپرومنٹ منصوبہ پر کام کامعائنہ
اتوار 19 جون 2016 17:52
کراچی ۔ 19 جون (اُردو پوائنٹ اخبارتازہ ترین - اے پی پی۔19 جون ۔2016ء) ایمپریس مارکیٹ کے اطراف صدر امپرومنٹ منصوبہ پر کام شروع ہو گیا ہے، پہلے مرحلہ میں مینسفیلڈ اسٹریٹ کو بہتر بنایا جا رہا ہے، جہاں تعمیر و مرمت کا کام شروع ہو چکا ہے جولائی کے اواخر تک مینسفیلڈ پر کام مکمل کر لیا جائے گا۔ جاری کردہ اعلامیہ کے مطابق کمشنر کراچی اعجاز احمد خان نے صدر امپرومنٹ منصوبہ کا جائزہ لینے کے لئے صدر کے مختلف علاقوں کا دورہ کیا اور منصوبہ پر کام کا معائنہ کیا۔
اس موقع پر انہیں مینسفیلڈ اسٹریٹ پر منصوبہ کے بارے میں بریفنگ دی گئی۔ انہوں نے متعلقہ افسران کو ہدایت کی کہ وہ صدر امپرومنٹ منصوبہ پر کام کی رفتار تیز کریں دن رات کام کریں اس بات کو یقینی بنائیں کہ منصوبہ بر وقت مکمل ہو۔(جاری ہے)
اس موقع پر ڈپٹی کمشنر جنوبی سلیم راجپوت، ڈائریکٹر پلاننگ اینڈ ڈیولمنٹ کمشنر کراچی آفس، سید محمد شکیب ،سینئر ڈائریکڑ ٹرانسپورٹ اینڈ کمیونیکیشن محمد اطہر، انجینئر نوید اظہار اور دیگر بھی ان کے ہمراہ موجو د تھے۔
کمشنر کو بتایا گیا کہ صدر منصوبہ میں پیڈسٹرین زون، فوڈ اسٹریٹ اور نائٹ بازار کی تعمیر کے منصوبہ شامل ہیں منصوبہ پر تین مرحلوں میں کام ہو گا اورچھ ماہ تک منصوبہ مکمل کر لیا جائے گا۔ ایمپریس پارکیٹ کے کے بالمقابل میر کرم علی تالپور روڈ ، پریڈی اسٹریٹ اور راجہ غضنفر علی روڈ کو پیڈسٹرین زون قرار دیا جائے گا۔ پریڈی اسٹریٹ ،میر کرم علی اور تالپور رود اور راجہ غضنفر روڈ پر پیڈسٹرین زون میں پیدل چلنے والوں کے لئے مخصو ص ہوں گے۔ ٹریفک کو آمدورفت کی اجازت نہیں ہو گی۔ میر کرم علی تالپور روڈ اور پریڈی اسٹریٹ پر فوڈ اسٹریٹس قائم کی جائیں گی جبکہ راجہ غضنفر علی روڈ پر نائٹ بازار قائم کیا جائے گا۔ ٹریفک کے لئے مینسفیلڈ اسٹریٹ اور داؤد پوتہ روڈ کو مخصوص کیا جائے گا۔ کمشنر کو بتایا گیا کہ پہلے مرحلہ پر شروع کیا جانے والا مینسفیلڈ اسٹریٹ کی بحالی کام جاری ہے، سیوریج لائنیں نصب کر دی گئی ہیں، سٹرک اور فٹ پاتھ کی تعمیر و مرمت کی جارہی ہے، سڑک کی کارپیٹنگ عید کے بعد شروع ہوگی، توقع ہے کہ جولائی کے آخری ہفتہ میں مینسفیلڈ اسٹریٹ پر تعمیراتی کام مکمل کر لیا جا ئے گا۔ اس کے فوری بعد پیڈسٹرئن زون کی سڑکوں پر کام شروع ہو گا۔ اگست میں میر کرم علی روڈ داوٴد پوتہ روڈ ، پریڈی اسٹریٹ اور راجہ غضنفر روڈ پر کام شروع ہوگا۔ تیسرے مرحلہ میں خریداروں کی سہولت کے لئے شٹل سروس شروع کی جائے گی۔متعلقہ عنوان :
مزید قومی خبریں
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
-
اٹک کے نواحی علاقہ میں پب جی گیم نے دوست کے ہاتھوں دوست کو قتل کر وادیا
-
کراچی، دوست کے ہاتھوں دوست کے قتل کی سی سی ٹی وی سامنے آگئی
-
گورنرسندھ کامران خان ٹیسوری سے ایران کے قونصل جنرل کی ملاقات
-
گورنرسندھ کامران خان ٹیسوری کی تبدیلی کے امکانات کم ہوگئے
-
21اپریل کا ضمنی الیکشن 8،فروری کے الیکشن کا ہی ری پلے تھا،رائے حسن نواز
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.